UEFA ka mbajtur video-konferencën e radhës me 55 vendet anëtare të saj, për të marrë vendime të reja rreth kampionateve.
Shtëpia e futbollit evropian ka marrë vendim edhe për Ligën e Kampionëve dhe atë të Evropës se kur duhet të zhvillohen.
Fazat e fundit të dy garave të këtij sezoni raportohet se do të zhvendosen në korrik dhe gusht pasi pandemia e coronavirusit vazhdon të shkaktojë kaos në kalendarin e futbollit.
Dhe të gjitha ndeshjet ndërkombëtare të planifikuara për në qershor do të shtyhen deri në vjeshtë për të liruar rrugën për përfundimin e sezonit 2019/20.
Pavarësisht kësaj situate UEFA është e vendosur që ky sezon të përfundojë, çfarëdo qoftë kostoja ekonomike apo faktorë të tjerët.
Kampionatet dhe garat evropiane për klube pritet të zhvillohen deri në fund të gushtit. /Telegrafi/
