Klubi nga Drenasi, Feronikeli ’74 ka njoftuar zyrtarisht emërimin e Granit Begollit si trajner të ri të ekipit.
Drenicasit i ndanë rrugët me Granit Dervishollin para disa ditësh, por nuk kanë qëndruar duarkryq dhe shpejt kanë gjetur zëvendësuesin.
Bëhet fjalë për ish-trajnerin e tyre, Granit Begolli, i cili është kthyer në drejtimin e skuadrës nga “Rexhep Rexhepi”.
Është vet faqja zyrtare e klubit e cila ka njoftuar për emërimin e Begollit, ndërsa pjesë e stafit të tij do të jetë edhe Arsim Tërshani.
“FC Feronikeli 74 njofton me kënaqësi rikthimin e trajnerit Granit Begolli në krye të ekipit tonë”.
“Granit Begolli, trajneri i njohur që na ka udhëhequr drejt inkuadrimit në Superligë, rikthehet sërish në bankinën e klubit tonë për të vazhduar me tutje. Ai është një emër i dëshmuar në futbollin kosovar, me eksperiencë si trajner te klubet: Liria, Vushtrria, Suhareka, Vëllaznimi e të tjera”.
“Në të njëjtën kohë, ekipi ynë teknik përforcohet edhe me trajnerin Arsim Tershani.
“Ky është një hap i rëndësishëm për FC Feronikeli 74, duke fuqizuar shtabin teknik me profesionalizëm, përvojë dhe vizion për sukses”, thuhet në njoftim. /Telegrafi/
