Zyrtare: Boban kthehet te Milani, kësaj radhe si drejtues

Legjenda kroate, Zvonimir Boban zyrtarisht u largua nga posti i tij në FIFA për t’u bërë Udhëheqësi kryesor i Futbollit te Milani.

Boban ka punuar si zëvendës sekretar i përgjithshëm i FIFA-s që nga viti 2016, por tani do të kthehet te Milani, ku ka fituar nëntë trofe të mëdhenj midis viteve 1991 dhe 2001.

“Do të jem gjithmonë mirënjohës ndaj presidentit të FIFA-s, Gianni Infantino për mundësinë që më dha pas zgjedhjes së tij në vitin 2016”, ka thënë fillimisht kroati për faqen zyrtare të FIFA-s.

Lexo po ashtu Boban pranon një rol drejtues te Milani

“Ndihem vërtet i nderuar dhe i privilegjuar që kam punuar në projekte të tilla të rëndësishme për ta kthyer FIFA në vendin e tij të duhur, larg skandaleve të së kaluarës dhe një imazhi të prishur”.

Comunicato Ufficiale: Zvonimir Boban ➡ https://t.co/Y5OCQXXn7P

Official Statement: Zvonimir Boban ➡ https://t.co/laLi75drJ7 pic.twitter.com/suqrevA9hI

— AC Milan (@acmilan) June 14, 2019

“Është jashtëzakonisht e vështirë të largohem nga FIFA, por kam ndjekur zemrën time dhe pasionin tim kur e kam marrë këtë vendim, siç ishte rasti kur e pranova sfidën e anëtarësimit në FIFA”.

“Njerëzit në Milan janë familja ime dhe qyteti i Milanos dhe Italia janë shtëpia ime”.

Lexo po ashtu Maldini emërohet drejtor sportiv i Milanit

“Kam një dëshirë të zjarrtë për të ndihmuar këtë klub të lavdishëm, që do të thotë kaq shumë për mua, të kthehet aty ku i përket”, përfundoi Boban.

Ai do të punojë së bashku me drejtorin Ivan Gazidis dhe legjendën Paolo Maldini, i cili tani është promovuar në pozitën e drejtorit teknik. /Telegrafi/