Zouma flet për herë të parë për veprimin skandaloz ndaj maces

Mbrojtësi i West Ham United, Kurt Zouma, ka thyer heshtjen pasi u dënua për abuzim me një mace në fillim të këtij viti.

Në intervistën e tij të parë që nga shmangia e burgut pas një videoje të neveritshme që u shfaq në shkurt, 28-vjeçari ka shprehur keqardhjen e tij për incidentin dhe ka hapur torturat personale me të cilat u përball.

Zouma u dënua me 180 orë punë të papaguar në komunitet, u urdhërua të paguante kosto prej dhjetë mijë eurosh dhe u ndalua të kishte mace për pesë vjet pasi u deklarua fajtor për goditjen dhe shuplakën e kafshës së tij shtëpiake.

“Ka qenë një periudhë e vështirë për mua dhe familjen time. Natyrisht që kam bërë diçka shumë të keqe dhe kërkoj falje përsëri për atë që kam bërë”, deklaroi francezi për faqen zyrtare të Ëest Hamit. “E di që ishte shumë e vështirë për njerëzit ta shikonin dhe ta shihnin këtë, dhe padyshim që më vjen shumë, shumë keq”.

Zouma mori kritika të ashpra për sjelljen e tij, e cila u përshkrua nga një gjykatës si “e turpshme dhe e dënueshme”. Ish- qendërmbrojtësi i Chelseat, Evertonit dhe Stoke Cityt u gjobit me shumën maksimale nga klubi i tij aktual, që besohet të jetë 300,000 euro – me vlerë dy paga javore – dhe iu sekuestruan dy macet e tij.

West Ham iu nënshtrua gjithashtu reagimeve të forta pasi refuzoi të pezullonte Zouman, pasi trajneri David Moyes e zgjodhi atë në mënyrë të diskutueshme për të filluar një ndeshje të Ligës Premier më pak se 24 orë pasi u shfaqën pamjet shqetësuese më 14 shkurt. /Telegrafi/