Zidane e cilësoi Atleticon favorit në derbi dhe luftën për titull, Simeone reagon me diplomaci

Diego Simeone ka folur para derbit të sotëm ndaj Real Madridit në Estadio Alfredo di Stefano dhe trajneri i Atletico Madridit transmetoi një besim të qetë në konferencën e tij për shtyp, ndërsa nuk hezitoi t’i përgjigjet Zinedine Zidanes.

Trajneri argjentinas ishte diplomatik duke iu përgjigjur komenteve të trajnerit të Real Madridit, Zidane, më parë gjatë ditës duke treguar se Atletico tani është bërë favorit kryesor për titullin e kampionit.

“Zakonisht nuk komentoj për mendimin e kolegëve. Secili ka mendimin e tij dhe unë i respektoj të gjitha mendimet, qofshin pozitive apo negative”, ka thënë fillimisht Simeone.

“Derbi i Madridit është një lojë e bukur me lojtarë fantastikë në të dy skuadrat. Reali ka konkurruar për shumë vite me lojtarë që mbeten, pavarësisht nga mosha e tyre, konkurrues me lojtarë më të rinj, dhe kjo është për tu admiruar. Ata janë një rival historik dhe ne do t’i lëndojmë ata atje ku mendojmë se mundemi”.

Let us know how you’re feeling ahead of the derby! 🔴⚪⤵️

🏧 #AúpaAtleti | ⚽ #RealMadridAtleti pic.twitter.com/ww8ATp8kOW

— Atlético de Madrid (@atletienglish) December 12, 2020

Simeone gjithashtu foli për tendencën e Realit për tu kthyer dhe për të fituar ndeshjet vërtet të mëdha. Los Blancos ishin nën presion serioz këtë herë javën e kaluar, por arritën fitore ndaj Sevilla dhe Borussia Monchengladbach.

“Ne përgatitemi plotësisht për çdo ndeshje. Ne nuk e ndryshojmë mendimin tonë për një rival bazuar në situata të ndryshme në të cilat gjenden. Ne luajmë lojën tonë. Ne mendojmë për gjërat lojë pas loje”.

Ndryshe, Atletico është duke ecur mirë dhe e gjen veten në krye të tabelës së La Liga, një pikë larg Real Sociedadit dhe me dy ndeshje më pak.

Në Evropë, ata siguruan kalimin në 16-tën e Ligës së Kampionëve të mërkurën mbrëma me një fitore 2-0 ndaj RB Salzburg në Austri. /Telegrafi/