Zhvlerësimi marramendës i vlerës së Sanchos, rënie drastike e çmimit që kishte më pak se tre vjet më parë

Ylli i Manchester Unitedit, Jadon Sancho ka parë rënien e vlerës së tij me 86 milionë funte apo rreth 100 milionë euro në vitet e fundit.

Sancho është aktualisht i dënuar në Old Trafford pasi nxiti një grindje publike me menaxherin Erik ten Hag pas humbjes 3-1 të klubit ndaj Arsenalit më 3 shtator.

Pas humbjes, Ten Hag tha se anglezi kishte munguar në skuadrën e United për shkak të mos impenjimit në stërvitje – një pretendim të cilin Sancho e hodhi poshtë me forcë në një postim të fshirë në mediat sociale.

Anglezi u hoq më pas nga skuadra e ekipit të parë. Në të vërtetë, për pesë javët e fundit, lojtari ka qenë në një program trajnimi individual duke përdorur ambientet e akademisë në Carrington.

Lexo po ashtu Aventura e Sanchos me Man United ka marrë fund, nuk mjafton më as kërkim falja

Rregullat e mbrojtjes nënkuptojnë se Sancho duhet të jetë vetëm në zhveshtore dhe të mbyllë derën përpara se të zhvishet, duke pasur parasysh se ndërtesa strehon të mitur. United thotë se Sancho do t’i duhet t’i kërkojë falje Ten Hag që të arrihet një zgjidhje.

Grindja është një shënues i rënies së madhe në trajektoren e karrierës së Sanchos.

Në Borussia Dortmund, paraqitjet e tij tërhoqën vëmendjen e klubeve më të mëdha të botës. Ai shënoi 50 gola dhe asistoi 64 të tjerë në 137 ndeshje për klubin e Bundesligës, me shumicën dërrmuese të këtyre numrave që ishin regjistruar kur anësori ishte ende adoleshent.

Në një fazë, 23-vjeçari u shfaq më shumë në mendimet e trajnerit të Anglisë, Gareth Southgate, sesa Phil Foden, ish-shoku i tij i skuadrës nga skuadra e të rinjve të Manchester Cityt.

I nënshkruar nga Unitedi për rreth 85 milionë euro në vitin 2021, Sancho u bë lojtari i nëntë më i shtrenjtë në historinë e Ligës Premier dhe u përshkrua nga menaxheri i atëhershëm Ole Gunnar Solskjaer si një nënshkrim që “përmbledh llojin e lojtarit që dua të sjell në klub”.

Lexo po ashtu Pesë opsionet e Jadon Sancho për t'u larguar nga Man United në janar

Pas dy vjetësh, Sancho duket se po i afrohen largimit nga Old Trafford me Sky Sports që pretendon se klubet nga Serie A, Bundesligës dhe Superliga e Turqisë po eksplorojnë të gjitha mundësinë e huazimit të tij në një marrëveshje afatshkurtër në janar.

Për më tepër, nëse ai largohej përgjithmonë, United do të kishte vështirësi për të rikuperuar 85 milionë eurot që ata paguan për sulmuesin.

Në të vërtetë, sipas Transfernarkt, Sancho tani vlen vetëm 32 milionë euro. Kjo shifër është më shumë se trefish më e ulët sesa 130 milionë euro që lojtari vlerësohej në vitin 2020, kur ai ishte në kulmin e tij te Dortmundi. /Telegrafi/