Zgjidhen lojtari dhe formacioni më i mirë i vitit në Ligën Premier – dominojnë emrat nga Liverpooli dhe Man City

Shoqata e Futbollistëve Profesionistë (PFA) në Angli ka zgjedhur gjatë mbrëmjes së djeshme (e enjte), ‘Lojtarin e Vitit’ dhe formacionin më të mirë në Ligën Premier.

Sezoni 2021/22 në Ligën Premier ishte i çmendur dhe u vendos vetëm në minutat e fundit, me Manchester Cityn që fitoi titullin me ‘foto-finish’ në luftën ndaj Liverpoolit.

Megjithatë, lojtarët e Reds ishin ata të cilët morën më shumë vlerësim nga Shoqata e Futbollistëve Profesionistë gjatë ndarjes së çmimeve vjetore.

Mohamed Salah u zgjodh lojtari më i mirë i vitit 2022, pasi egjiptiani fitoi më parë edhe ‘Këpucën e Artë’ së bashku me Heung min-Son me nga 23 gola të shënuar.

🏆 The PFA Players’ Player of the Year 2022 | @MoSalah

🙌🙌🙌 @LFC @Pharaohs #PFAawards #POTY 🇪🇬 pic.twitter.com/I8eNZ9wcNP

— Professional Footballers’ Association (@PFA) June 9, 2022

Lojtarët e Reds u vlerësuan gjithashtu edhe në formacionin më të mirë të vitit, pasi plot gjashtë prej tyre e parë veten tek zgjedhjet e PFA.

Portieri Alisson Becker, mbrojtësit Virgil van Dijk dhe Trent Alexander-Arnold, mesfushori Thiago Alcantara dhe sulmuesit Salah e Sadio Mane ishin pjesë e formacionin më të mirë të vitit.

Pas tyre vijnë lojtarët e Cityt, ku tre prej tyre ishin pjesë e formacionit më të mirë: Joao Cancelo, Bernardo Silva dhe Kevin de Bruyne.

Dy lojtarët tjerë që kompletojnë formacionin më të mirë të vitit janë Cristiano Ronaldo (Manchester United) dhe Antonio Rudiger (Chelsea), i cili tashmë ka nënshkruar si lojtar i lirë me Real Madridin.

Befasia më e madhe llogaritet mos përfshirja e sulmuesit të Tottenham Hotspur, Son, i cili fitoi ‘Këpucën e Artë’ me 23 gola gjatë sezonit, ku asnjëra nuk u shënua nga penalltia. /Telegrafi/

⚽️ The PFA Premier League Team of the Year!

🇧🇷 @Alissonbecker
🇵🇹 João Cancelo
🇳🇱 @VirgilvDijk
🇩🇪 @ToniRuediger
🏴󠁧󠁢󠁥󠁮󠁧󠁿 @TrentAA
🇧🇪 @DeBruyneKev
🇪🇸 @Thiago6
🇵🇹 @BernardoCSilva
🇪🇬 @MoSalah
🇵🇹 @Cristiano
🇸🇳 Sadio Mané#PFAawards | #TOTY pic.twitter.com/x1MPQBOHrF

— Professional Footballers’ Association (@PFA) June 9, 2022