Zbulohet shifra milionëshe që do të fitojë Mike Tyson për kthimin e tij në boks kundër Roy Jones Jr

Mike Tyson dhe Roy Jones Jr do të ndeshen mes vete në një ndeshje boksi të shtunën mbrëma, pasi kanë konfirmuar rikthimin në boks pas shumë viteve.

Legjendat e boksit që janë 54 dhe 51 vjeç, do të hyjnë sërish në ring në datën 28 nëntor, mirëpo ata do të kenë rregulla të tjera nga boksi i përhershëm.

Megjithatë, përveç rregullave, tifozët dhe njerëzit ishin kurioz të dinin edhe për përfitimet e Tyson dhe Roy Jones Jr për rikthimin e tyre në boks.

Lexo po ashtu Ndalohen nokautet, nuk shpallet fituesi – rregullat e pazakonta në meçin mes Mike Tyson dhe Roy Jones

Sipas Kevin Iole të Yahoo Sports, legjenda e boksit, Tyson, do të fitojë një shumë prej 10 milionë dollarësh, ndërsa Jones Jr do të fitojë rreth tre milionë dollarë.

Hearing that Tyson will make $10 million and Roy Jones +/- $3 million for their exhibition Saturday.

— Kevin Iole (@KevinI) November 25, 2020

‘Iron’ Mike pretendon se ai nuk do të marrë asnjë qindarkë për rikthimin e tij në boks, duke këmbëngulur se fitimet e tij do të dhurohen për bamirësi.

“Do të jetë për bamirësi të ndryshme. Askush nuk duhet të shqetësohet kurrë për pasurimin tim, ose të xhelozojë, ose për të thënë se po bëj [rikthimin] për para”.

“Unë nuk po marr asgjë. Unë thjesht ndihem mirë duke e bërë këtë sepse mundem”, ka thënë Tyson për TMZ Sports.

Lexo po ashtu Mike Tyson ka humbur 45 kilogramë para meçit ndaj Jones, heq bluzën në televizion dhe tregon mënyrën deri te suksesi

Tyson, 54 vjeç, nuk ka luftuar që nga humbja e tij dërrmuese ndaj Kevin McBride në vitin 2005, por duket në formë fenomenale përpara luftës së tij të parë në 15 vjet, pasi tregoi fizikun e tij para disa ditësh.

Sa i përket Jones Jr, 51-vjeçari për herë të fundit luftoi në vitin 2018 kur ai mundi Scott Sigmon. /Telegrafi/