Benjamin Sesko ka shumë pak gjasa të fitojë Këpucën e Artë të Ligës Premier në sezonin e tij të parë, sipas një parashikimi të ashpër të një superkompjuteri.
Sulmuesi slloven iu bashkua Manchester United nga RB Leipzig për 74 milionë funte dhe u prezantua në Old Trafford para një miqësoreje para-sezonale ndaj Fiorentinës.
Megjithatë, modeli statistik i cakton atij një numër të pritur golash (xG) prej vetëm 8.9 dhe një shans minimal – 0.01 për qind – për të mbyllur sezonin si golashënuesi më i mirë i kampionatit.
Sesko renditet pas emrave si Jorgen Strand Larsen dhe Danny Welbeck, ndërsa shoku i skuadrës Bruno Fernandes ka një shans disi më të madh, por ende të ulët, prej 0.04 për qind.
Në krye të listës qëndron Erling Haaland, me një parashikim prej 24.3 golash dhe 68.3 për qind mundësi për të fituar Këpucën e Artë, i ndjekur nga Mohamed Salah me 10.7 për qind.
Sesko pritet të debutojë në Ligën Premier ndaj Arsenalit fundjavën e ardhshme, ndërsa e ardhmja e Rasmus Hojlund mbetet e paqartë për shkak të interesimit të Milanit për një huazim. /Telegrafi/
