Yjet që u fejuan në Ditën e Shën Valentinit – nga Katy Perry deri te Liam Gallaagher

Shën Valentini erdhi sërish dhe për disa njerëz të famshëm, Dita e të Dashuruarve është mjaft e veçantë e rikthyer në përvjetor.

Meqë konsiderohet si dita më romantike e gjithë vitit, kështu që nuk është çudi që disa nga emrat më të mëdhenj të showbizit ose filluan lidhjen më 14 shkurt, ose bënë propozimin për fejesë.

Yje si Katy Perry dhe Orlando Bloom, Benedict Cumberbatch dhe Sophie Hunter, Christina Aguilera dhe Matt Rutler të gjithë ndajnë të njëjtin përvjetor.

Më poshtë ua sjellim një vështrim se si Shën Valentini i ndryshoi romancën e tyre përgjithmonë:

Katy Perry dhe Orlando Bloom

Orlando Bloom dhe Katy Perry zyrtarizuan romancën e tyre në 2019 gjatë një udhëtimi romantik me helikopter.

Aktori i “Pirates of the Caribbean”, Orlando i kërkoi krijueses së hitit “Teenage Dream” të ishte gruaja e tij, pasi çifti shijoi një darkë romantike të Shën Valentinit.

Ata verën e kaluar kanë mirëpritur vajzën e tyre të parë, Daisy Dove Bloom.

Lady Gaga dhe Taylor Kinney

Aktori Taylor Kinney i propozoi Lady Gagas për Shën Valentin në vitin 2015.

Taylor i tha këngëtares së “Rain On Me” se dëshironte të kalonte pjesën tjetër të jetës me të.

Fituesja e ‘Grammy’ njoftoi lajmin e lumtur në një postim në Instagram.

“Ai më dha zemrën e tij në Ditën e Shën Valentinit dhe unë thashë PO”, ka qenë përshkrimi i fotografisë.

Mjerisht, vetëm disa muaj pas fejesës së tyre, dyshja u ndanë.

Christina Aguilera dhe Matt Rutler

Christina dhe Matt u fejuan në Ditën e Shën Valentinit në 2014.

Ata i premtuan njëri-tjetrit se dashuria e tyre do t’i rezistonte kohës në ditën e veçantë pasi kaluan tri vjet së bashku.

“Ai pyeti dhe unë thashë PO”, tha ajo në Twitter.

Çifti ndajnë së bashku vajzën. Summer Rain.

Benedict Cumberbatch dhe Sophie Hunter

Ylli i “Sherlock”, Benedict Cumberbatch u martua me Sophie Hunter, në Ditën e Shën Valentinit në 2015.

Dyshja u siguruan që të mos e harronin kurrë datën e martesës pasi vendosën të martoheshin më 14 shkurt – ditën zyrtare të dashurisë.

Benedict dhe Sophie mirëpritën djalin e tyre të parë, Christopher, katër muaj pas ditës së tyre të madhe.

Fëmija i tyre i dytë, Hal, lindi në mars 2017.

Liam Gallagher dhe Nicole Appleton

Liam Gallagher dhe Nicole Appleton u martuan në një ceremoni private më 14 shkurt 2008.

Martesa e tyre zgjati vetëm gjashtë vjet para divorcit në prill 2014.

Liam tani është në një lidhje me Debbie Gwyther dhe vitin e kaluar, dyshja njoftoi se së shpejti do të martohen. /Telegrafi/