“Xhyla apo Xhuli”, Arta Bajrami i reagon ashpër Shota Baraliut në mbrojtje të Xhulianës: Jua ngrënsha prejardhjen qytetare

Këngëtarja e njohur shqiptare Arta Bajrami është një mikeshë e ngushtë me një prej banoreve më të përfolura të shtëpisë së Big Brother VIP Kosova, Xhuli Nura.

Kjo e fundit është “talluar” në raste të caktuar nga disa banorë të tjerë si Mbresa dhe Shota Baraliu, për emrin e saj të vërtetë.

Në fakt emri i vërtetë i Xhulit është Xhylije Nura, të cilin bukuroshja drenicase e ka përvetësuar në ‘Xhuliana’ dhe ‘Xhuli’ – shkurt, për të tingëlluar më modern.

Lexo po ashtu Xhuli iu drejtohet banorëve të BBVK: Të gjithëve do t'ju nxjerr jashtë një e nga një

E teksa aktorja Shota Baraliu në një prej paraqitjeve të fundit e ka talluar për emrin, duke iu drejtuar me “Xhylë” dhe jo “Xhuli”.

Lidhur me këtë ka pasur një reagim nga shoqja e Xhulit, këngëtarja Arta Bajrami e cila në një shkrim të publikuar në InstaStory, e ka quajtur mjerim faktin që dikush në ditët e sotme të gjykojë mbi emrin e dikujt.

“Xhyla apo Xhuli? Mjerim i madh me pa njerëz të pjekur dhe me karriera të konsiderueshme duke bullizuar dikë për emrin që i është vënë. Populli thotë ‘nuk ke çfarë i bën gomarit, e i mëshon samarit’. Duke mos pasur argumente substanciale për ta luftuar Xhuliana Nurën (nuk kanë ku t’i ngjiten se çika është shtyllë në të gjitha aspektet), i gjuhen për emrin. E çfarë merite ose jo-merite ka një bebe për atë se si familja e emërojnë? Pastaj Xhyla apo Xhuli, çfarë diference bën kjo lojë shkronjash? Ja u ngrënsha juve prejardhjen qytetare edhe emrat modern pasi Xhuli po iu rezulton si katundare. Kjo tregon vetëm se sa të kompleksuar jemi ne si shoqëri”, ka shkruar këngëtarja e hitit “Fiesta” në reagimin e saj.

Xhuli përndryshe që nga fillimi i spektaklit Big Brother VIP Kosova, ka qenë një prej emrave më aktivë dhe të përfshirë në debate e zhvillime brenda shtëpisë. /Telegrafi/