“Xhelozia” e Mozzikit, reperi vjen me skena ‘të nxehta’ në klipin e ri (Foto)

Reperi Mozzik së shpejti do të sjellë për publikun projektin e tij më të ri muzikor, këngën dhe klipin “Xhelozia”.

Përmes rrjeteve sociale, ai i ka njoftuar fansat se kënga do të publikohet së shpejti, ndërsa në një prononcim për Telegrafin, reperi shpalos detajet e këngës së tij më të re.

“Kam përfunduar përgatitjet për këngën time më të re, e cila titullohet ‘Xhelozia’, dhe është punuar nga dyshja Zzap dhe Chriss, tekstin si çdo herë tjetër e kam shkruar unë, ndërsa për klipin po kujdesen produksioni FilmNation”, tha Mozzik për Telegrafin.

Lexo po ashtu Mozzik ia dedikon babait suksesin e koncertit në sheshin "Skënderbej", e dashura e përgëzon me fjalë zemre (Foto)

“Xhelozia” e cila që nga titulli duket një projekt ‘pikant’, përbrenda tij ka diçka të vërtetë nga jeta reale e reperit.

“Kënga flet për xhelozinë në një lidhje dashurie, e cila është diçka që na prek të gjithëve në realitet, ku normalisht përjashtim nuk bëj as unë, por nuk do të thotë që është një projekt qind për qind dedikuar vetes”, tregon më tej ai.

Xhirimet e klipit kanë përfunduar pak ditë më parë, ndërsa në një fotografi të siguruar nga Telegrafi, tregohet se klipi do të përmbajë disa skena mjaft ‘të nxehta’ nën ngjyrën e kuqe.

Lexo po ashtu Të gjitha lajmet nga Estrada Shqiptare

“Klipin e këngës ‘Xhelozia’ e kemi xhiruar në Suharekë, do të ketë skena interesante, besoj do të mirëpritet mirë nga publiku”, ka përfunduar Mozzik për Telegrafin.

Sa i përket publikimit, ende nuk ekziston një datë e saktë, por është çështje ditësh. /Telegrafi/