Xavi me fjalë të mëdha për dy yjet e ri të Barçës, Pedri e Alex Balde

Barcelona ka marrë një fitore të radhës në La Liga, teksa ka mposhtur Elchen me rezultat 3-0.

Robert Lewandowski me dy gola dhe Memphis Depay me një tjetër ishin realizuezatorët e golave për fitoren e katalunasve.

Megjithatë një tjetër yll i ri që ka filluar shkëlqimin është mbrojtësi i majtë Alex Balde që bëri dy asistime në këtë sfidë.

Lëvdatat për anësorin këmbëshpejtë nuk i ka ndalë trajneri Xavi Hernandez duke thënë se bëhet fjalë për një talent të madh me cilësi e personalitet.

“Të gjithë janë të përgatitur për të luajtur çdo ndeshje, në jam ai që vendos. Jam i lumtur për të. Ai ka cilësi dhe personalitet të madh”.

“Është e habitshme që një djalë 18-vjeçari luan në atë nivel. Ai është në gjendje të shkëlqyer fizike dhe do të na ndihmojë shumë. Kemi tre mbrojtës të majtë të një niveli të jashtëzakonshëm”, tha Xavi.

Tutje trajneri i Barcelonës foli edhe për gjeniun spanjoll të mesfushës Pedri.

“Ai është një futbollist superlativ, e kupton lojën, bën diferencën me pasimin, nuk e humb topin. Ai është vendimtar, një nga më të mirët që ka ardhur këtu, garanci për të ardhmen. Duhet të kujdesemi për të dhe mendoj se po e menaxhojmë mirë skuadrën”, tha Xavi.

Krejt në fund tekniku katalunas foli edhe tha se ekipi i tij ka ide të qarta dhe janë duke shkuar në 100 për qindëshin e formës. /Telegrafi/