Pasi shijoi një karrierë të mrekullueshme si lojtar, Xabi Alonso ka shijuar një fillim të mirë si trajner në Bayer Leverkusen. Ai ka fituar shtatë nga 12 ndeshjet e tij të para në Bundesligë, duke ndihmuar skuadrën gjermane të vazhdojë garën për katër vendet e para.
Në një paraqitje të veçantë për "Zërin e trajnerëve", spanjolli shpjegoi suksesin e karrierës së tij si lojtar që e frymëzoi atë të futej në zejen e trajnerit. Gjatë emisionit, ai përmendi veçanërisht Cristiano Ronaldon dhe se sa e lehtë ishte të luash me portugezin.
“Cristiano e bëri gjithçka shumë të lehtë. Unë e marr topin, e gjej dhe ai bënte veprimet e tij individuale për të shënuar”, deklaroi Alonso.
Ish-asi i Liverpoolit luajti me portugezin te Real Madridi nga viti 2009 deri në vitin 2014. Rastësisht, të dy lojtarët i ishin bashkuar gjigantit spanjoll në të njëjtin afat, së bashku me dy superyje të tjerë të futbollit si, Karim Benzema dhe Kaka.
Ndërsa Kaka nuk ishte aq i suksesshëm, lojtarë si Alonso dhe Ronaldo luajtën një rol kyç në suksesin e Real Madridit, me dyshen që madje fituan Ligën e Kampionëve së bashku në vitin 2014, nën drejtimin e Carlo Ancelottit.
Ancelotti kërcënohet me shkarkim: Tre kandidatët për ta zëvendësuar vijnë nga shtëpi e Real Madridit
Alonso përfundimisht u largua nga Real Madridi në verën e vitit 2014, duke iu bashkuar Bayern Munichut në një marrëveshje 9 milionë euro. Ai luajti për bavarezët për tri vite, duke luajtur në 117 ndeshje konkurruese përpara se të pensionohej në vitin 2017.
Interesante, Alonso filloi aventurën e tij si trajner në akademinë e Real Madridit nga viti 2018 deri në vitin 2019. Dhe duke pasur parasysh suksesin e tij të hershëm në Bayer Leverkusen, nuk do të jetë befasi ta shohim atë duke drejtuar ekipin e parë të Los Blancos në një të ardhme të afërt. /Telegrafi/
