Sulmuesi shqiptar, Milot Rashica, thuhet se mund të shitet në afatin kalimtar të verës, pasi Werder Bremen synon të fitojë sa më shumë para nga shitja e tij.
Reprezentuesi i Kosovës ka vuajtur shumë nga lëndimet këtë sezon dhe nuk ka përjetuar formën më të mirë dhe ka pasur mungesë golash.
Kështu, sipas gazetës gjermane Bild, Werder Bremen është i gatshëm të shesë vushtrriasin Milot Rashica.
Klubi gjerman dëshiron të fitojë sa më shumë para nga shitja e 24-vjeçarin përpara se kontrata e tij të skadojë në qershor 2022.
Werderi thuhet se do të dëgjojë ofertat për Rashicën këtë verë, me Aston Villan që thuhet se ka ringjallur interesin e tyre.
Megjithatë, sulmuesi i Kosovës duhet të shënojë disa gola në këtë fund të sezonit për ta rekomanduar veten përsëri te klubet e mëdha dhe t'i sillte Werderit një fitim më të lartë. /Telegrafi/
