Vuçiq uron Handken për Çmimin Nobel: Është sikur ta kishte fituar dikush prej nesh

Presidenti i Serbisë, Aleksandar Vuçiq, me rastin e Çmimit Nobel në Letërsi, ka uruar shkrimtarin austriak Peter Handke.

Sipas mediave serbe, përcjell Telegrafi, në urimin e tij, Vuçiq ka shkruar: “I dashur mik, pranoni urimet e mia të sinqerta. Si laureat i Nobmimit Nobel, ju jeni bërë i pavdekshëm. Ky çmim është një çmim për veprën tuaj të shquar letrare, për njohurinë dhe krijimtarinë tuaj, por edhe për cilësitë tuaja të pakrahasueshme morale, për guximin dhe dinjitetin, për idealet tuaja të një intelektuali të lartë”.

“Serbia ju konsideron një mik të vërtetë dhe, unë do të jem i lirë të them, ne e perceptojmë Çmimin tuaj Nobel si të fituar nga dikush prej nesh. Tani, me Ivo Andriq, ne festojmë për një tjetër fitues të çmimit Nobel”, citohet të ketë thënë presidenti i Serbisë, duke i bërë thirrje që të vizitojë Serbinë.

Ndryshe, ceremonia në Stokholm u bojkotua nga disa vende – përfshirë Kosovën, Shqipërinë dhe Bosnjën – për shkak të mbështetjes së zëshme të Handkes për ish-presidentin serb, Sllobodan Millosheviq, gjatë luftërave në ish-Jugosllavi, në vitet 1990. /Telegrafi/