Vjen kërcënimi i parë nga Hulku iranian për ‘Njeriun më të frikshëm në Planet’

Sa më shumë që kalojnë ditët, aq më e zjarrtë bëhet lufta e fjalëve mes Sajad Gharibit “Iranian Hulk” dhe Martyn Ford që ndryshe njihet edhe si “Njeriu më i frikshëm në Planet”.

Dyshja do të përballen më 2 prill të këtij viti në O2 Arena në Londër, e që tifozët mezi presin atë moment.

Kjo përballje ndryshe do të quhet edhe si lufta me peshat më të rënda ndonjëherë edhe pse dyshja nuk kanë boksuar asnjëherë në mënyrë profesionale.

Ford, që po ashtu është edhe aktor po vazhdon ta provokojë Gharibin se në kafaz do të futet për ta nokautuar.

Hulku iranian duke iu përgjigjur asaj që kishte deklaruar kundërshtari i tij pak ditë më parë tha se Fordi do largohej me barelë.

https://www.dailymotion.com/video/x87wu9t

“Martyn Ford të vazhdojë të më ofendoje sa të doje. Bëje atë një klloun. Tregoni mungesë respekti. Por të premtoj se do të të nxjerrin nga ringu me barelë”.

“Nuk ke asnjë shpresë me mua ”, ndërsa video përfundon me Sajad Gharibi duke shtrydhur një portokall me dorë. /Telegrafi/