Visar Bekaj shkëlqen në portë, Rey Manaj në sulm – të dy protagonistë në duelin Hatayspor-Sivasspor

Hatayspori dhe Sivasspori u përballën me njëri-tjetrin në kuadër të javës së 28-të në elitën e futbollit turk. 

Në një përballje dramatike që prodhoi pesë gola, ishin vendasit e Hatayspor ata që në fund dolën fitues me rezultat 3-2. 

Në portë për Hatayspor ishte reprezentuesi kosovar Visar Bekaj i cili shkëlqeu në këtë takim duke bërë plotë gjashtë pritje. 

Teksa në anën tjetër për Sivassporin gol realizoi sulmuesi shqiptar Rey Manaj, i cili po vazhdon me formë të lartë këtë sezon në Superligën e Turqisë. 

Për paraqitjen fantastike në këtë takim, Bekaj u vlerësua me notën 8.1 nga Sofascore, teksa Manaj mori notën 8.0. 

Për Bekajn kjo ishte paraqitja e shtatë këtë sezon në kampionat, teksa për Manajn ishte e 20-ta. 

Sulmuesi shqiptar me këtë gol tashmë ka shkuar në kuotën e tetë golave të realizuar këtë sezon, teksa ka edhe dy asistime. 

Kujtojmë se Manaj ka marrë ftesën nga përzgjedhësi Sylvinho për dy ndeshjet e Shqipërisë në kualifikimet e Botërorit ndaj Anglisë dhe Andorrës. 

Ftesën po ashtu e ka marrë edhe Bekaj nga përzgjedhësi Franco Foda, për dy ndeshjet që Kosova do t’i luajë ndaj Islandës në ‘play-off’ të Ligës së Kombeve./Telegrafi/