Vinicius Jr i pakënaqur te Reali, shumë klube evropiane e duan atë

Pakënaqësia e Vinicius Junior në Real Madrid mund të ndezë një luftë oferte nga klubet e Ligës Premier, por edhe ligave tjera të mëdha evropiane.

Sulmuesi 19-vjeçar brazilian ka luftuar për gola këtë sezon dhe ndjehet i lënë pas dore nga Zinedine Zidane, i cili shpeshherë edhe nuk e fton fare në ndeshje.

Situatën e tij janë të interesuar ta shfrytëzojnë klubet e mëdha angleze, të cilët janë vënë në radhë për të tentuar transferimin e tij.

Lexo po ashtu Vinicius nuk ka besimin e Zidanes, drejt transferimit në Angli

Sipas mediumit Eldesmarque, Chelsea, Manchester Unitedi, Arsenali, Tottenham Hotspur dhe Wolves janë të gjithë duke e monitoruar situatën e Viniciusit.

Megjithatë, klubet nga Liga Premier pritet të kenë konkurrencë të fortë nga klubet e mëdha italiane dhe franceze.

Lexo po ashtu PSG e do Viniciusin për ta lejuar kalimin e Mbappes te Real Madridi

Paris Saint-Germain, Interi dhe Roma janë gjithashtu të interesuar për brazilianin 19-vjeçar.

Reali do të ngurronte ta linte Viniciusin të largohej duke pasur parasysh se ata paguan 46 milionë euro për shërbimet e tij në verën e 2018, por një shifër e madhe mund t’ju ndryshonte mendjen. /Telegrafi/