Vinicius flet për partneritetin me Mbappen, por paralajmëron tifozët e Real Madridit

Real Madrid mendohej të bëhej i pandalshëm pasi nënshkroi Kylian Mbappen në fillim të kësaj vere, por Vinicius beson se ka shumë punë për të bërë përpara se kjo të ndodhë.

“Tani me ardhjen e Mbappes, të gjithë thonë se ekipi mund të bëhet i pandalshëm, por tani për tani, ne duhet të kryejmë seancat stërvitore më të mira dhe të përpiqemi të kuptojmë njëri-tjetrin sa më shpejt të jetë e mundur”, deklaroi Vinicius për CNN.

“Më pëlqen stili i Mbappes, më pëlqen mënyra se si luan dhe e vërteta është se jam shumë i emocionuar për atë që mund të bëjmë gjatë sezonit”, shtoi Vini.

Vinicius u pa duke kopjuar festën e Mbappes pasi francezi shënoi golin e tij debutues në finalen e Superkupës UEFA. Ishte një sinjal se tashmë kishte një lidhje loje të bukur mes dyshes.

“Ai po vjen pasi ka shënuar kaq shumë gola, pasi ka fituar kaq shumë tituj. Ai po arrin në klubin ku gjithmonë ëndërronte të ishte dhe ku çdo lojtar gjithmonë ëndërronte të luante për të: Real Madridin”, shtoi braziliani.

“Me dëshirën e Zotit, Mbappe do të jetë në gjendje të shënojë aq shumë gola për ne, sa ka bërë në ekipin e tij të mëparshëm dhe në ekipin kombëtar, dhe se ai mund të bëjë edhe më shumë së bashku me ne”, vazhdoi Vinicius. /Telegrafi/