Në Manastirin e Graçanicës po shënohet festa e “Vidovdanit”. Serbët janë mbledhur këtu që nga orët e hershme të mëngjesit, ndërkaq ceremonia ka nisur rreth orës 09:00. Edhe kësaj radhe, në bluzat e shumë të rinjve serbë shihen mbishkrime nacionaliste si “Nuk e japim djepin e Serbisë”.

Para pjesëmarrësve, patriarku Porfirije, tha se “në Graqanicë e kuptojnë më së miri se kush janë”.

“Nëse diku mund të kuptojmë se jemi këta që jemi, është pikërisht Kosova, është pikërisht kjo portë e Graçanicës së shenjtë, është populli i Deçanit, është Patriarkana e Pejës, është Bogorodica e Levishkës, është e Deviqi, janë vendet e shumta të shenjta me të cilat është zbukuruar toka e Kosovës. Këtu në këtë vend, ne e dimë se kush jemi, këtu e dimë se çfarë jemi, këtu kuptojmë se nga vijmë dhe cili është qëllimi ynë i ekzistencës.

Këtu jemi vëllezër dhe motra në shtëpinë tonë, këtu në Kosovë. Shumë herë ia kam kujtuar vetes këtë fakt, dhe tani, duke ua thënë të gjithëve, po ju kujtoj edhe juve dhe po jua kujtoj këtë fakt dhe të vërtetë të gjithë vëllezërit dhe motrat tona kudo që janë, gjithë botës dhe të gjithë njerëzve të botës. Ne jemi këtu në shtëpinë tonë, këtu jemi në shtëpinë tonë”, ka thënë ai.

Që nga mëngjesi janë pozicionuar edhe ekipe të Policisë së Kosovës, KFOR-it, e të pranishëm janë edhe EULEX-i.

Danilo Vuçiq, djali i presidentit serb Aleksandar Vuçiq është parë duke marr pjesë në festën e Vidovdanit.

Ai është parë në shoqërimin e disa personave të tjerë që po marrin pjesë te Manastiri i Graçanicës, raporton kallxo.com

Ndryshe, serbët nga orët e hershme të mëngjesit kanë filluar të mblidhen në manastir për të shënuar festën e “Vidovdanit”.

Qytetarët serbë sot janë mbledhur në Manastirin e Graçanicës për të shënuar festën e “Vidovdanit”.

Liturgjia ku janë të pranishëm qytetarët serbë, po udhëhiqet nga patriaku i Kishës Ortodokse, Porifrije.

Telegrafi ju sjellë fotografi nga manastiri i Graçanicës. /Telegrafi/

Është mbajtur liturgjia e parë në manastirin e Graçanicës nga patriarku serb Porfirije.

E pranishme në ceremoninë për “Vidovdanin” është parë edhe kryetarja e komunës së Graçanicës,  Ljiljana Shubariq.

Ndryshe, nga ora 07:00 e mëngjesit serbët kanë filluar të mblidhen në manastirin e Graçanicës për të shënuar festën e “Vidovdanit”.

Nga ora 07:00 e mëngjesit kanë filluar të mblidhen serbët në manastirin e Graçanicës për të shënuar të “festën e Vidovdanit”.

Pranë manastirit, siç njofton kp vërehen pjesëtarë të Policisë së Kosovës. Po ashtu, janë parë edhe duke kaluar edhe përfaqësues të misionit të EULEX-it.

Në afërsi po qëndrojnë edhe trupat e KFOR-it.

Policia e Kosovës, ka ndërmarr veprime planifikuese dhe operacionale për menaxhimin e situatës së sigurisë në vend.

Në njoftimin e Policisë së Kosovës thuhet se edhe këtë vit, sikurse vitet e kaluara me qëllim që situata të kalojë qetë dhe pa incidente, janë paraparë disa masa dhe objektiva strategjike.

Parapërgatitja dhe ndërmarrja e masave të nevojshme planifikuese, koordinuese, preventive dhe operative është bërë në mënyrë që aktivitetet të zhvillohen në suaza normale, të rendit dhe qetësisë publike.

Ndryshe, festa e Vidovdanit mbahet në Graçanicë , andaj do të ndërpritet përkohësisht qarkullimi i automjeteve në hyrje-daljet e komunës së Graçanicës, konkretisht në hyrje të fshatit Mramor dhe nga ana tjetër në hyrje të lagjes Veterrniku, ku automjetet do të riorientohen në rrugë alternative deri në përfundim të festës së Vidovdanit.