Vidal godet rëndë Barcelonën dhe zbulon skuadrën për të cilën nuk do të luaj kurrë: Janë vetëm 13 futbollistë profesionistë

Arturo Vidal pritet të largohet këtë verë nga gjiganti kataluans Barcelona.

Pas ndryshimeve në shtabin teknik, trajneri i ri Ronald Koeman ka konfirmuar se nuk llogarit në shërbimet e kilianit.

33-vjeçari është konsideruar si i harxhuar nga Barcelona, teksa e ardhmja e tij duket në Serie A me Juventusin dhe Interin që duan shërbimet e tij.

“Tri vitet e fundit nuk janë ato që i meriton një klub i madh si Barcelona”.

Sipas kilianit te Barcelona janë vetëm 13 futbollistë profesionistë dhe këtë nuk e meriton një klub si katalunasit.

“Skuadra më e mirë në botë nuk mund të ketë në radhët e veta vetëm 13 futbollistë profesionistë”.

“Ju nuk mund të fitoni gjithmonë me ADN. Messi është më i miri në botë, një jashtëtokësorë, por ai ka nevojë për ndihmë në mënyrë që të arrihen rezultate më të mira”, tha Vidal.

Krejt në fund kiliani ka konfirmuar se nuk do të luaj kurrë për Real Madridin.

“Unë kam fituar dashuri të madhe nga njerëzit e Barcelonës dhe kjo është arsyeja që nuk do të luaj kurrë për Real Madridin”, deklaroi Vidal.

Vidal iu bashkua Barcelonës në verën e vitit 2018 nga Bayern Munich, ndërsa tani pritet rikthimi i tij në Serie A, pasi ai kërkohet me ngulm nga Inter dhe Juventus. /Telegrafi/