Vetura më e shitur në Evropë në vitin 2024 është Dacia

Përpara se të përmbledhim shitjet në Evropë për vitin 2024 në janar, shikojmë përsëri shifrat nga 11 muajt e mëparshëm.

Në atë periudhë në Kontinentin e Vjetër janë regjistruar rreth 100 mijë vetura të reja, më shumë se vitin e kaluar.

Për tre vitet e fundit, lideri evropian prej dekadash, Golf, nuk ka forcën që kishte dikur për të ruajtur pozicionin e tij udhëheqës në tregun evropian.

Golfi është ende pranë majës, por klientët kanë ndryshuar zakonet e tyre, transmeton Telegrafi.

Kështu, në vitin 2022 evropianët besojnë më shumë tek modeli Peugeot 208, vitin e kaluar për herë të parë në një veturë elektrike, Tesla Model Y, ndërsa këtë vit Dacia Sandero e përballueshme do të zërë vendin e parë.

Ja si duket lista e veturave më të shitura në Evropë në periudhën janar-nëntor 2024:

Dacia Sandero – 245.686 regjistrime

Volkswagen Golf – 198,886 regjistrime

Renault Clio – 195.930 regjistrime

Volkswagen T-Roc – 187,339 regjistrime

Peugeot 208 – 183 740 regjistrime

Tesla Model Y – 180,682 regjistrime

Toyota Yaris Cross – 178,922 regjistrime

Škoda Octavia – 167,175 regjistrime

Toyota Yaris – 164,496 regjistrime

Dacia Duster – 157,287 regjistrime

Gjatë 11 muajve, prodhuesi rumun shiti më shumë se 245,000 njësi të Sandero në kontinentin evropian, që është 14 për qind më shumë se vitin e kaluar në të njëjtën periudhë.

Golf është shumë prapa në vendin e dytë, me afër 199,000 njësi të shitura, ndërsa Clio është i treti me vetëm 3,000 regjistrime më pak se marka gjermane.

Golf ka shënuar rritje prej 20 për qind, ndërsa Clio ka shënuar rritje prej 9 për qind gjatë 11 muajve të këtij viti krahasuar me të njëjtën periudhë të vitit të kaluar.

Është interesante se Dacia ka dy modele në mesin e 10 më të shiturve në Evropë. Domethënë, Duster ka arritur në këtë listë përpara Kia Sportage.

Edhe pse shënon 20 për qind më pak shitje këtë vit, Tesla Model Y me më shumë se 180,000 vetura të reja të regjistruara zë një vend shumë të lartë në renditjen e përgjithshme.

Në të njëjtën kohë, ajo është deri tani vetura elektrike më e shitur në Evropë. /Telegrafi/