Vetura e parë elektrike e prodhimit të Lamborghini do të mbërrijë në vitin 2028 dhe lansimi i saj do të bëhet i mundur me teknologjinë e Grupit Volkswagen.

Reklama

Duke folur për Auto Express përpara njoftimit financiar të kompanisë për tremujorin e tretë, drejtori ekzekutiv i markës, Stephan Winkleman përsëriti se nuk do të zëvendësojë asnjë linjë modeli aktual, diçka që Lamborghini e konfirmoi më parë.

Ai e përshkroi atë si një “model të katërt që do të jetë më i përdorshëm çdo ditë. Kjo do të thotë një makinë 2+2, me dy dyer me më shumë largësi nga toka”.

Winkleman foli gjithashtu për ndërtimin e makinës me ndihmën e “sinergjive të Grupit Volkswagen siç kishim tashmë me Urus”, që mund të nënkuptojë se vetura në fjalë do të përdorë SSP të Grupit (Scalable Systems Platform), e cila është aktualisht në zhvillim, transmeton Telegrafi.

Reklama
Reklama

Ndërkohë, kur Auto Express bisedoi me Rouven Mohr, shef teknik të Lamborghini në prezantimin e fundit të Urus Performante, ai shpjegoi disa nga përfitimet që do të sjellë vetura e parë elektrike e Lamborghini.

“Disa nga shtyllat tona kryesore nga pikëpamja teknologjike përshtaten në mënyrë të përkryer me botën elektrike”, tha ai, duke shtuar, “nëse flasim për integrimin e funksionit të fibrave karbonit, integrimin e baterisë si një pjesë strukturore – kjo është diçka që ju lejon shumë më tepër shkallë lirie nga perspektiva e dizajnit në kuptimin e aerodinamikës”.

Lamborghini do të shpenzojë 1.8 miliard euro për një strategji katërvjeçare elektrifikimi, e cila shumë kohë përpara lansimit të veturës elektrike do të sjellë një zëvendësim hibrid për Aventador që do të arrijë në fillim të vitit 2023, një pasardhës hibrid plug-in Huracan në fund të 2024 dhe një hibrid plug-in Urus SUV në të njëjtin vit, duke përfunduar elektrifikimin e plotë të linjës. /Telegrafi/

Reklama