LAJMI I FUNDIT:

Veseli fton të rinjtë e Llapit të bashkohen për ndryshime dhe ta votojnë Naim Fetahun

Veseli fton të rinjtë e Llapit të bashkohen për ndryshime dhe ta votojnë Naim Fetahun

Kryetari i Partisë Demokratike të Kosovës, Kadri Veseli, ka takuar sot qindra të rinj të Komunës së Podujevës, të cilët i ftoi të votojnë Naim Fetahun për të nisur ndryshimet e duhura dhe për t’i hapur perspektivë të rinjve llapjanë.

 Veseli tha se me 15 mars rinia e Podujevës do ta bëjë ndryshimin e nevojshëm dhe do ta vulosë fitoren e Naim Fetahut për kryetar të ardhshëm të Komunës së Podujevës.

“Jam i sigurt se me 15 mars me aktivitetin e juaj, me përkushtimin e juaj, me fjalët e juaja duke shkuar shtëpi për shtëpi, do t’i vie e mira Llapit, do t’i vie e mira Podujevës me Naim Fetahun kryetar të komunës së Podujevës. Kështu që, bëhuni bashkë të gjithë me vetbesim shumë të madh. Ka nevojë Podujeva për ndryshim”, tha Veseli.

Kreu i PDK-së tha se ka largim të njerëzve, të rinjve, ndërmarrësve nga Podujeva, për shkak të mungesës së perspektivës.

“20 vite këta dy kundërkandidatët e Naimit kanë pasur të bëjnë me rininë. Të dy kanë qenë drejtorë të arsimit, çka kanë me i sjell Podujevës pas 15 marsit? Cila është perspektiva të cilën ata mendojnë t’ia sjellin të rinjve të Llapit”, tha ai.

Veseli tha se të dy kandidatët e tjerë mendojnë se do të fitojnë sepse thonë se llapjanët i kanë në dorë.

Nga ana e tij, kandidati për kryetar të Podujevës, Naim Fetahu tha se programi i tij është i fokusuar në fuqizim të të rinjve të komunës së Podujevës.

Ai tha se rinia është promotor i zhvillimit të shoqërisë dhe se të rinjtë e Podujevës meritojnë më mirë.

“Podujeva është lodhur shumë me një qeverisje të keqe. Kemi pasur shumë keqmenaxhim në komunën tonë, qytetarët tanë kanë mbetur mbrapa me zhvillim ekonomik. Nuk kemi pasur vende të reja të punës, studentët tanë nuk janë përkrahur nga komuna, kanë qenë të diskriminuar në punësim, nuk kanë pasur mbështetjen as në sport, as në kulturë. Andaj këtu ka lindur nevoja për ndryshim dhe sa më shpejt që ndodh kjo është më mirë për të rinjtë e Llapit”, tha ai.

Fetahu po ashtu ka premtuar se do të mbështesë të rinjtë e komunës, do të dyfishojë numrin e bursave dhe se do të hapin çerdhe të reja.

Në trend Lajme

Më shumë
Dygjuhësia duhet të merret si avantazh, jo problematikë te fëmijët – Pervizaj flet për hulumtimet e fundit

Dygjuhësia duhet të merret si avantazh, jo problematikë te fëmijët – Pervizaj flet për hulumtimet e fundit

Elfije Boletini
Deklaratat për zgjedhje, Konjufca: Mazhoranca nuk ka vullnet që vendi të shkojë në zgjedhje përmes dorëheqjes së Qeverisë

Deklaratat për zgjedhje, Konjufca: Mazhoranca nuk ka vullnet që vendi të shkojë në zgjedhje përmes dorëheqjes së Qeverisë

Lajme
Lajçak me post të ri nga shtatori

Lajçak me post të ri nga shtatori

Lajme
IKShPK: Regjistrohen 8 raste të Kollës së mirë në Kosovë, prindërit t'i vaksinojnë fëmijët

IKShPK: Regjistrohen 8 raste të Kollës së mirë në Kosovë, prindërit t'i vaksinojnë fëmijët

Shëndetësi
RTK: Ambasadori Berishaj po intervistohet nga Prokuroria Speciale

RTK: Ambasadori Berishaj po intervistohet nga Prokuroria Speciale

Drejtësi
Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri

Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri

Lajme
Kalo në kategori