Veseli: Flora Brovina bëri gabim të rëndë me publikimin e fotografisë

Kryetari i Kuvendit, Kadri Veseli në vazhdimin e seancës plenare të 16 majit, për themelimin e Tribunalit për krimet serbe në Kosovë, ka thënë se nuk ka pritur që të ketë qasje të tillë brutale mes akterëve politikë.

“Për idenë e këtij Tribunali kom prit edhe hezitime e goditje, por nuk e kam pritur një qasje të tillë brutale mes nesh”, tha Veseli.

Lexo po ashtu Brovina e pranon se fotografia që publikoi nuk ishte e luftës në Kosovë

Ai shtoi se të premten në zyrën e tij kishte shkuar njëri nga familjarët e personave të pagjetur, i cili sipas Veselit ishte i mllefosur me debatin që u bë gjatë seancës të së enjtes rreth krijimit të këtij Tribunali.

Veseli komentoi edhe publikimin e fotografisë që bëri deputetja e PDK-së, Flora Brovina ku shihej një grua duke u dhunuar gjatë luftës, e që Brovina pretendonte që ajo fotografi ishte realizuar gjatë luftës në Kosovë, por që e njëjta nuk doli të jetë e vërtetë.

Lexo po ashtu Fotografia që tronditi Kosovën - reagimet e shumta pas vërtetësisë se nuk është bërë në Kosovë

“At ditë Flora Brovina bëri një gabim shumë të rëndë, ajo është vetë viktimë e gjenocidit serb. Reagimet ndaj saj kanë mundur të jenë më të balancuara. Dhunimet gjatë luftës në Kosovë janë fakt i ditur botërisht, nuk na duhet një foto për të dëshmuar këtë”, u shpreh Veseli. /Telegrafi/