Veseli: Familja Jashari frymëzim për të ecur përpara

Kryetari i Kuvendit të Kosovës, Kadri Veseli ka bërë homazhe në kompleksin memorial “Adem Jashari” në Prekaz, prej nga dërgoi mesazhe se familja Jashari dhe gjithë heronjtë tjerë janë garanci dhe frymëzim për të ecur përpara.

Ai tha se Kosova do të jetë shembull i integrimit dhe zhvillimit të fuqishëm si shtet i pavarur.

“Pothuajse dy dekada po kalojnë dhe plagët janë ende të freskëta, për aq sa edhe dhimbja jonë, por në të njëjtën kohë krenaria dhe forca se Kosova jonë për të cilën u flijuan këta heronj po ecë shumë përpara, po bëhet çdo ditë më e fortë edhe do të jetë e përjetshme si shtet i pavarur dhe sovran. Komandanti legjendar Adem Jashari bashkë me familjen e tij, dhe gjithë heronjtë e kombit janë garanti më i madh i shteti tonë sovran, i idealeve tona dhe frymëzimit se kah duhet të ecim si shtet, kemi shumë punë, por jemi në rrugën e duhur”, tha Veseli.

Ndryshe, kryeministri Mustafa dhe kryeparlamentari Veseli nuk ka shkuar që të vizitojë familjen Jashari në kullën e tyre.

Më herët vizitë familjes Jashari i kanë bërë një delegacion i FSK-së me në krye ministrin Haki Demolli si dhe një delegacion i Lëvizjes Vetëvendosje.