I vendosi klauzolë Benatias për mos tu transferuar te pesë klubet e mëdha, FIFA dënon Juventusin

Medhi Benatia u largua nga Juventus për tu bashkuar me skuadrën nga Katari, Al Duhail.

Mbrojtësi maroken ka një vit e gjysmë te skuadra Katari për një shumë prej tetë milionë euro.

Kampioni italian ka marrë një dënim pikërisht për këtë transferim të Benatias te Al Duhail.

FIFA ka dënuar Juventusin me një shumë modeste prej 37 mijë e 200 euro.

Shkaku i këtij dënimi është një klauzolë që Zonja e Vjetër i ka vendosur mbrojtësit.

Paris Saint Germain, Roma, Lazio, Milan dhe Inter kanë qenë skuadrat që i ka vendosur Juve në klauzolë te Al Duhail për mos ta shitur Benatian.

Në rast se skuadra nga Katari do ta kishte shitur tek ndonjëra nga këto skuadra mbrojtësin maroken, atëherë do të duhej t’i paguante Juventusit një dëmshpërblim prej pesë milionë euro.

Por me tu zbuluar kjo marrëveshje e fshehtë nga shtëpia më e madhe e futbollit botëror FIFA, atëherë ka ardhur dënimi për Zonjën e Vjetër.

Këto lloj kushtesh FIFA nuk i toleron dhe kjo ka bërë që të dënohet Juventusi me një shumë modeste prej 37 mijë e 200 eurove. /Telegrafi/