Vdekja e Mbretëreshës – bëhen bashkë William, Harry, Kate dhe Meghan

Princi Harry dhe gruaja e tij, Meghan, iu bashkuan Williamit dhe gruas Kate në një shëtitje mes turmave pranë kështjellës Windsor të shtunën pas vdekjes së gjyshes së tyre, Mbretëreshës Elizabeth, duke rritur mundësinë e një afrimi midis vëllezërve.

Dy djemtë e mbretit Charles, dikur kaq të afërt pas vdekjes së nënës së tyre Dianës në një aksident automobilistik në Paris në vitin 1997, kanë rënë në konflikt vitet e fundit pasi Harry dhe Meghan hoqën dorë nga titujt e tyre mbretërorë për t’u transferuar në Shtetet e Bashkuara.

Çifti kishte qenë në Britani për një vizitë të shkurtër kur mbretëresha, monarku më i gjatë në pushtet në Britani, vdiq të enjten.

Ashtu si anëtarët e tjerë të familjes mbretërore, Harry nxitoi të ishte në krah të mbretëreshës ndërsa ajo ishte në Balmoral në Skoci.

Një burim mbretëror e përshkroi atë si një shfaqje të rëndësishme uniteti në një kohë tepër të vështirë për familjen. Ata dolën nga e njëjta makinë, të gjithë të veshur me të zeza.

Lexo po ashtu Kate Middleton bëhet Princeshë e Uellsit pas vdekjes së Mbretëreshës - e para që merr këtë titull që nga Diana

Dy çiftet nuk ndërvepruan shumë gjatë shëtitjes 40 minutëshe pranë një prej shtëpive të preferuara angleze të mbretëreshës, pasi u ndalën për të lexuar mesazhet e lëna mes luleve dhe për të shtrënguar duart dhe për të biseduar me mijëra njerëz që rrinin në shëtitjen e gjatë.

Në një moment Meghan u përqafua nga një grua në turmë, ndërsa të tjerët u shtrinë për të shtrënguar duart dhe për të folur me të katër mbretërit.

William kaloi ca kohë duke u përkulur duke biseduar me fëmijët, ndërsa Kate dhe Harry pranuan lule dhe mesazhe inkurajimi në turmë.

Pas vdekjes së mbretëreshës Elizabeth kanë ndryshuar edhe titujt mbretërorë. /Telegrafi/