I vazhdohet paraburgimi edhe për dy muaj të dyshuarve në rastin e dhunimit të 11 vjeçares në Prishtinë

Katër të dyshuarve për rastin e njohur si “dhunimi i 11 vjeçares” iu është vazhduar masa e paraburgimit edhe për dy muaj.

Lajmin për Telegrafin e ka bërë të ditur zëdhënësja e Gjykatës Themelore në Prishtinë, Mirlinda Gashi.

Gashi tha se masa e paraburgimit ju është vazhduar edhe tre të pandehurve të tjerë, të cilët janë të përfshirë në këtë çështje penale.

Lexo po ashtu “Ishte strehuar në një motel dhe u dhunua” – çfarë thotë dosja e Prokurorisë për katër të dyshuarit për rastin e dhunimit të 11 vjeçares

“Referuar kërkesës tuaj për informata, ju njoftojmë se pas kërkesës së Prokurorisë Themelore në Prishtinë Gjykata Themelore në Prishtinë – Departamenti për Krime të Rënda me datë 24.02.2025 ka marr vendim dhe ka aprovuar kërkesën e PTHP për vazhdimin e masës së paraburgimit në çështjen penale ndaj të pandehurve V.A., P.SH., L.A. dhe G.H. Të pandehurve V.A., P.SH., L.A. dhe G.H. ju është vazhduar masa e paraburgimit edhe për dy muaj për secilin, përkatësisht deri me datën 26.05.2025. Për njoftimin tuaj masa e paraburgimit ju është vazhduar edhe tre të pandehurve të tjerë, të cilët janë të përfshirë në këtë çështje penale”, ka thënë Gashi. /Telegrafi/