Fushatë në kohë pandemie. Akti i dytë.
Jo më shumë se nëntë muaj më parë, kur në vendin tonë kishte qindra raste të infektuarish me koronavirus, partitë politike mblidhnin qindra njerëz në ambiente të mbyllura, për t’ua kërkuar votën në zgjedhjet nacionale të 14 shkurtit.
Nuk bënë punë as thirrjet e institucioneve shëndetësore, që të mos rrezikohej shëndeti i qytetarëve; partitë politike po e shkelnin Ligjin për parandalimin dhe luftimin e pandemisë së Covidit-19.
Fundja, ç’rëndësi kishte infektimi i mijëra njerëzve, krahasuar me peshën dhe vlerën e naltmadhnisë së saj – votës.
Epilogu i asaj fushate tashmë dihet. Në kutitë e votimit peshën e njëjtë e kishin të gjitha votat, si ato që u hodhën nga të infektuarit, si ato të atyre Covid Free.
Vetëvendosja e Albin Kurtit korri “frutat” e fushatës në kohë pandemie, duke e materializuar votën e qytetarëve duke u shpërblyer me pushtet absolut. Askush s’po e quan Covid Qeveri.
Gjashtë muaj më vonë korrëm edhe ‘frutat’ e hapjes së pamenduar. Erdhën edhe bashkatdhetarët na u bashkuan në Covid Fest. Mijëra të infektuar dhe dhjetëra të vdekur në baza ditore.
Në kulmin e pandemisë, kur varianti Delta po bënte kërdinë, nisën debatet nëse duhej shtyrë zgjedhjet lokale.
Dhe, siç jemi të (pa)kujdesshëm e të (pa)përgjegjshëm për shëndetin tonë dhe të qytetarëve tanë, në nivele politike nuk kishte shumë shqetësime për vazhdimin e përhapjes së pandemisë, por për sondazhet.
Derisa partisë në pushtet – pas qindra të vdekurve e mijëra të infektuarve brenda dy muajsh – i ra ndërmend se mbajtja e zgjedhjeve (fushatës) do të vazhdonte të shkaktojë infektim edhe më masiv, partitë opozitare këmbëngulën në mbajtjen e zgjedhjeve. Opozita fuqishëm e kundërshtoi shtyrjen e zgjedhjeve me motivacion se partia në pushtet po e kërkon këtë pasi e ka të qartë (në bazë të sondazheve) se do të humb në këto zgjedhje. Punë e madhe pse po vdesin njerëzit (Zoti ua ka shkrue).
Dhe, presidentja, si institucion unifikues që është, përfilli qëndrimin e opozitës dhe nuk ndërmori asnjë veprim për shtyrjen e zgjedhjeve.
E, tash? Grahni fushatës!
Disa parti thonë se do të fokusohen në fushatë online (digjitale). Dikush thotë se do të bëjë veç pesë ditë fushatë.
Ndërkohë, Instituti Kombëtar i Shëndetit Publik ka bërë thirrje për ndalimin e aktiviteteve publike, grumbullimit të qytetarëve dhe tubimeve publike të gjitha llojeve dhe natyrave pa përjashtim.
Por, krejt këto çka thonë partitë politike, por edhe thirrjet e IKSHPK-së, do të mbesin vetëm fjalë.
Fushata ka filluar kaherë. Kandidatët për kryetarë komunash, nuk pushojnë duke organizuar tubime nëpër oda e ambiente të tjera të mbyllura. Veç, mos harroni t’i lëshoni perdet!
Atyre tash do t’iu bashkëngjiten edhe liderët partiakë, për t’i bindur qytetarët se kandidati i tyre është i duhuri.
Dhe, jo vetëm kaq.
Si gjithmonë do të premtojnë zhvillim ekonomik të komunave, arsim më të avancuar, shërbime shëndetësore të modelit perëndimor, infrastrukturë moderne …
Natyrisht se as premtimet për punë s’do të mungojnë. Por, nuk do t’u thonë se për një vend pune duhet pritur të pensionohet (apo ruana Zot, të vdes) një mësues, një infermier/e, një shërbyes civil në Komunë, apo në ndonjë institucion tjetër …
Ata, qytetarët, do t’i hapin sy e veshë, në pritje të premtimeve për vende pune. Janë ngopë asfalt, trotuare, kanalizim e drita. Ato nuk hahen. Janë ngop edhe me premtime për luftimin e hajnisë, për qeverisje të pakorruptuar e pa nepotizëm …
Nejse! E mira e tërë kësaj është se njerëzit po vaksinohen.
Pa dëshmi vaksinimi nuk do të mund të hyni në institucionet ku punoni. Bile është paralajmëruar se pa dëshmi të tilla nuk do të lejohet hyrja as nëpër qendra tregtare, restorante e gjetiu …
Por, as test, as dëshmi vaksine nuk do t’iu kërkojnë për të hyrë në oda e salla të fushatës.
Nuk do t’ju mjaftojnë premtimet digjitale (online) nëpër rrjete sociale.
Në premtime s’ka dietë, as kandar. Të gjitha i ha pazari. I ha edhe votuesi juaj besnik.
Prandaj, shkoni ju gurmanët e premtimeve! Ngopuni me premtime megalomane – live!
Fundja, ç’rëndësi ka nëse në këto tubime do ta merrni virusin e do të pësoni vet, ose familjarët tuaj. Rëndësi ka të përmbusheni shpirtërisht, të takoni liderët tuaj nga afër. Të tillë ju duan ata. Me ose pa maska, do t’ua shtrëngojnë duart dhe do t’u përqafojnë.
Një “dashni” që zgjatë veç 30 ditë.
Lufta Prigozhin - Putin
Më shumëTeknologjia e vijës së portës ka analizuar golin në El Clasico, është konfirmuar se ishte apo nuk ishte
“Ka vetu, e ka bo Zoti dritë dhe e kom pa atë njeri”, thotë dëshmitarja për vrasjen e trefishtë në Gllogjan
Gjatë një operacioni policor në Prishtinë e Gjilan, gjenden dy bunkerë dhe armë zjarri
Zelensky paralajmëron për një "Çernobil të dytë"
Kurti takon ministren e Jashtme gjermane, falënderon Gjermaninë për mbështetjen e Kosovës drejt anëtarësimit në KiE
“Do të luajë dhe do të shënojë kundër Real Madridit” – Tuchel tregon se ylli i Bayern Munich është kthyer nga dëmtimi
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
John Terry zbulon historinë e patreguar se si ai udhëhoqi kryengritjen te Chelsea ndaj një trajneri
"Vuçiq e mendonte Slloveninë Eldorado serbe, kurse diplomatët e saj vegla të tij", ish-diplomatë serbë flasin për skandalin e fundit të Vuçiqit
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
Pasuria e guvernatorit të BQK-së, drejtorit ATK-së dhe drejtorit të Doganës
“Veç me ia ba një vendbanim në gjykatë”, ish-zyrtari i Komunës së Prishtinës del para gjykatës me 24 aktakuza për korrupsion
Klopp e donte lojtarin që sot luan për Liverpoolin, por bordi kërkonte një tjetër - si nisi mosmarrëveshja mes tyre