Vanessa Bryant realizon dy tatuazhe të reja, njëri dedikim për Kobe e tjetri për Giannën

Vanessa Bryant telefonoi artistin e tatuazheve Nikko Hurtado, për t’i kërkuar që të shkojë në shtëpinë e saj për të vizatuar dy tatuazhe të reja në trupin e saj.

Tatuazhi i parë është realizuar në kyçin e dorës, me një dedikim për vajzën e saj, shkruan TMZ.

“Telefonova Nikko Hurtado sepse erdhi dhe më ndihmoi të kem mesazhin e ëmbël të Gigit, të vizatuar në mua”, shkroi Vanessa në rrjetet sociale.

Është ende e paqartë saktësisht se çfarë thotë mesazhi.

Tatuazhi tjetër është i realizuar në qafë dhe është një dedikim për Kobe.

“Doja që mesazhi im i ëmbël i Kobe Bryant, ‘boo boo boo’ të transferohej në mua”, shkroi ajo.

https://www.instagram.com/p/CBR38QADoyb/?utm_source=ig_embed

Vanessa nuk zbuloi detaje specifike në lidhje me dy tatuazhet – domethënë, ne nuk dimë se çfarë thonë mesazhet – por padyshim, ato janë thellësisht të kuptueshme për të.

Kobe dhe Gianna së bashku me shtatë persona të tjerë, vdiqën në një përplasje me helikopter në Calabasas, CA më 26 janar.

Disa njerëz të afërt me Kobe – përfshirë LeBron James dhe Anthony Davis gjithashtu realizuan tatuazhe për të bërë dedikime për legjendën e NBA.

Pasi Vanessa publikoi pamjet e tatuazheve, një grup miqsh të saj të famshëm komentuan me mesazhe pozitive, e njëra ndër to edhe Khloe Kardashian.

“Kaq e veçantë dhe e bukur”, ka shkruar Khloe në komentin e saj. /Telegrafi/