Uthulla e mollës i bën mirë fytit, por jo edhe dhëmbëve

Uji i vakët me një lugë të vogël mjaltë dhe dy lugë të vogla uthull molle në lukth të zbrazët – melhem për dhembjet e fytit

Mirëpo, nuk duhet tepruar me këtë “eliksir”, sepse mund të dëmtoni zmaltin e dhëmbëve.

Dhembjet e fytit janë dukuri e shpeshtë ditëve të ftohta. Mirëpo nëse çdo mëngjes e shpëlani me ujë në të cilin do të qitni një lugë të vogël uthull molle, ky problem do të mund të eliminohet në çast. Dhe jo vetëm ky problem.

Uji i vakët me një lugë të vogël mjaltë dhe dy lugë të vogla uthull molle në lukth të zbrazët – melhem për shumë “plagë”.

Kjo pije rekomandohet në rastin kur metabolizmi ju është i ngadalësuar, presioni i gjakut i lartë apo qarkullimi i dobët, transmeton Telegrafi.

Uthulla e mollës është e pasur me kalium, andaj u bën mirë muskujve dhe nervave, zvogëlon dhembjen e kokës, por është e shkëlqyeshme edhe për punë të papenguar të zemrës.

Mirëpo, mos harroni një gjë të rëndësishme – kujdes të mos e teproni me këtë “eliksir”. Sepse, në qoftë se çdo ditë e fusni në organizëm, mund të dëmtoni zmaltin e dhëmbëve.

Prandaj, ekspertët këshillojnë që pijen me uthull ta pini nëpërmjet gypit të hollë dhe menjëherë t’i lani dhëmbët, meqenëse kështu do të ruani zmaltin dhe buzëqeshjen e bukur.

Këshillë: Për çdo shqetësim shëndetësor që keni, sigurohuni që të konsultoheni me mjekun tuaj. /Telegrafi/