Atasheu ushtarak i Kosovës në Washington, Ilir Qeriqi, ka bërë të ditur se në Kosovë së shpejti do të arrijnë pajisje ushtarake nga Shtetet e Bashkuara të Amerikës.
Qeriqi përmes një postimi në Facebook, ka thënë se përkrahja dhe koordinimi me SHBA-të po sjellë rezultate në zhvillim të kapaciteteve ushtarake.
“Përkrahja dhe koordinimi me partnerin tone strategjik ne vazhdimësi, po sjellin rezultate ne zhvillimin e kapaciteteve tona, si ne pajisje, edukim dhe trajnim. Misioni i ri kërkon përgatitje dhe pajisje, qe përmbushin synimet dhe objektivat tona për një force sa me moderne, dhe kompatibile me aleatin tone SHBA”, shkruan Qeriqi.
Sipas Qeriqit, pajisjet të cilat shihen në fotografitë e publikuara do të arrijnë së shpejti në Kosovë.
“Në Kosovë së shpejti do të arrijnë këto pajisje, e që vargu i tyre do të jetë mjaft i gjatë. Vazhdojmë tutje. Shumë të tjera do t’i kemi edhe në të ardhmen. Go Army”, shkruan ai. /Telegrafi/
