Usain Bolt ka paralajmëruar një rikthim të mundshëm në Lojërat Olimpike të Los Anxhelosit në vitin 2028, pavarësisht se u tërhoq nga atletika në vitin 2017.
39-vjeçari mbetet njeriu më i shpejtë që ka vrapuar ndonjëherë në garat e 100 dhe 200 metrave, me xhamajkanin që vendosi dy rekordet botërore - 9.58 sekonda dhe 19.19 sekonda në Kampionatin Botëror të Atletikës IAAF 2009 në Berlin të Gjermanisë.
Xhamajkani është gjithashtu sprinteri më i dekoruar, pasi ka fituar medaljet e arta në 100 dhe 200 metra në tre Lojëra Olimpike radhazi - në Pekin 2008, Londër 2012 dhe Rio 2016 - përpara se t'i jepte fund asaj që ishte një karrierë e shkëlqyer pas Kampionatit Botëror 2017 në Londër.
Bolt e përfundoi karrierën e tij me tetë medalje ari olimpike, por në fakt fitoi nëntë para se njëra t'i hiqej për shkak të shokut të tij të skuadrës, Nesta Carter, që rezultoi pozitiv për substancën e ndaluar metilheksanaminë kur testet u rianalizuan në vitin 2017.
Pothuajse një dekadë pas daljes në pension të Boltit, sprinterë të klasit të lartë si Noah Lyles dhe Fred Kerley i janë afruar më shumë, por në fund të fundit nuk kanë arritur të vrapojnë më shpejt se xhamajkani i madh.
Dhe me Lojërat e ardhshme Olimpike që do të zhvillohen në Los Angeles në vitin 2028, Bolt mund të bëjë një paraqitje të papritur.
Në një intervistë të kohëve të fundit me mediumin Esquire, 39-vjeçari pranoi se të quhesh “Njeriu më i shpejtë në botë” “nuk do të plakesh kurrë” përpara se të sugjeronte me shaka se mund të garonte në Lojërat Olimpike të Los Anxhelosit në vitin 2028.
Kur u pyet nëse do të merrte në konsideratë një bashkim të ri me skuadrën xhamajkane të kriketit, Bolt la të kuptohet se mund të ndodh diçka e tillë.
“Jam për fat të mirë në pension nga sporti profesional. Nuk kam luajtur kriket për një kohë të gjatë, por nëse më telefonojnë, do të jem gati!”, ka thënë Bolt.
Garat në kriket do të zhvillohen në Los Angeles pas një ndërprerjeje 128-vjeçare të këtij sporti.
Një turne me gjashtë ekipe, i ndarë në dy grupe me nga tre, do të zhvillohet për të dyja gjinitë, ku secila ekip do të luajë kundër një tjetre nga një herë.
Rezultatet nga katër garat do të përdoren më pas për të përcaktuar renditjen përfundimtare, me dy ekipet e para që do të luajnë në një finale për të përcaktuar fituesit e medaljeve të arta dhe të argjendta, ndërsa vendi i tretë dhe i katërt do të luajnë për medaljen e bronztë. /Telegrafi/
