Unitedi lë prapa Juven, Chelsean dhe Liverpoolin në garën për Dembele

Sipas mediave spanjolle, Manchester Unitedi është duke i prirë garës për shërbimet e Ousmane Dembele, i cili mund të largohet nga Barcelona gjatë verës së ardhshme si lojtar i lirë.

Francezi ka kontratë me katalunasit deri në fund të sezonit aktual dhe sipas Sport.es, nuk e ka në plan që ta vazhdojë qëndrimin.

Katalunasit nuk mund t’i ofrojnë rritje page për shkak të probleme financiare të klubit, ashtu që rinovimi nuk pritet të ndodhë.

#FCB🔵🔴

🚨NOTICIA SPORT🚨

🗣️El Barça es consciente que el entorno de Dembélé mantiene abiertas conversaciones con algunos clubs

➕El club blaugrana quiere que el jugador defina su futuro antes de finales de octubre

✍️ Lluís Miguelsanz https://t.co/P4u70UJTfw

— Diario SPORT (@sport) October 11, 2021

Barca dëshiron të dijë për planet e tij deri në fund të këtij muaji, ndërkohë që raportohet se klubi tashmë e ka bërë ofertë.

Porse Dembele nuk e ka në plan që ta nënshkruajë kontratën e re, ashtu që Manchester Unitedi është duke kryesuar garën për transferimin e tij.

Juventusi, Chelsea dhe Liverpooli, janë klubet tjera të interesuara për shërbimet e 24-vjeçarit. /Telegrafi/