Unitedi është i gatshëm të paguajë 100 milionë euro për Koulibalyn

Gazetat angleze raportojnë se Manchester Unitedi është i gatshëm të paguajë 100 milionë euro për Kalidou Koulibaly, por thuhet se kjo nuk do të mjaftonte për mbrojtësin e Napolit.

Sipas mediumit The Times, zyrtarë të lartë të Unitedit biseduan me Napolin dhe u thanë se janë gati të paguajnë një çmim prej 90 milionë funtesh apo rreth 100 milionë euro.

Megjithatë, kjo është dukshëm më e ulët se shifra e dhënë në mediat italiane, e cila thuhet se është të paktën 120 milionë euro.

Lexo po ashtu Pesë blerjet e ‘çmendura’ të janarit që mund ta shpëtojnë sezonin Jose Mourinhos te Manchester United 

Kjo do të ishte për një transferim veror, pasi çdo ofertë për reprezentuesin e Senegalit në janar do të dënohej me dështim.

Trajneri Carlo Ancelotti me Napolin janë në vendin e dytë në Serie A pas Juventusit, ndërsa javën e ardhshme do të mund të rezervojnë edhe një vend në raundin e 1/16-tës së Ligës së Kampionëve.

Nëse Napoli do të shiste ndonjë prej lojtarëve kryesorë gjatë afatit kalimtar të janarit, do të ishte Elseid Hysaj, i cili është një objektiv i Chelseat.

Lexo po ashtu Napoli refuzon 70 milionë euro të Barcës për Koulibalyn

Kjo është për shkak se performancat e tij nën drejtimin e Ancelottit nuk kanë qenë në të njëjtin standard si me Maurizio Sarrin,.

Vera e vitit të ardhshëm pritet të jetë e nxehtë për Unitedin dhe mbrojtësin e Napolit. /Telegrafi/