“Unë nuk dua asgjë” në një kafene plazhi në Budva të Malit të Zi kushton 0.50 euro

Një fotografi e një fature, e lëshuar gjoja në një plazh në Budva dhe që është publikuar në Facebook, thuhet se tregon një rast të rrallë.

Sipas mediave të huaja, përcjell Telegrafi, bëhet fjalë për një faturë në të cilën “përgjigja e tre të ftuarve: Unë nuk dua asgjë”, ishte shkruar si artikull dhe ata u desh të paguanin nga 0.50 euro, secili.

Fotografia e faturës mbi të cilën jeni ngarkuar edhe nëse doni vetëm të uleni në një kafene është bërë hit në mediat sociale dhe ka shkaktuar shumë komente.

Madje, në komente, disa kanë shtruar pyetjen nëse së shpejti do të paguani edhe për frymëmarrjen e ajrit, ndërsa të tjerët pyesin “çfarë lloj njerëzish janë ulur në kafene dhe nuk duan të pinë asgjë”.

Nëse kjo është një shaka e pronarëve të objektit që bënë një lëvizje të mirë marketingu në këtë mënyrë, ose bëhet fjalë për një pagesë të vërtetë – nuk është konfirmuar ende.

Ndryshe, edhe Mali i Zi po ballafaqohet me rritje të të infektuarve me coronavirus.

Dhe për këtë, autoritetet shëndetësore në Mal të Zi kanë rikthyer masat për të luftuar pandeminë.

Siç është raportuar, qytetarët malazezë dhe të huaj lejohen të hyjnë në Mal të Zi vetëm nëse kanë njërën nga këto katër dokumente.

Pra dëshminë e vaksinës (një ose të dyja dozat), një test PCR negativ jo më të vjetër se 72 orë, dëshmi se nuk është i infektuar ose testin negativ të antigjenit jo më i vjetër se 48 orë.

Nga ana tjetër, kjo nuk vlen për qytetarët nga Kosova, Kroacia, Bosnja dhe Hercegovina, Shqipëria dhe Maqedonia Veriore. Kjo i referohet qytetarëve të Malit të Zi dhe qytetarëve të këtyre vendeve, njoftoi qeveria malazeze.

Masat e reja, të cilat janë të vlefshme nga 24 gushti do të zgjasin deri më 10 shtator, nëse gjendja epidemiologjike nuk përkeqësohet. /Telegrafi/