Umtiti flet për rinovimin e kontratës dhe transferimin e Griezmannit te Barcelona

Mbrojtësi i Barcelonës Samuel Umtiti ka konfirmuar se dëshiron të rinovojë kontratën e tij dhe dëshiron që ajo të mbyllet përpara Kupës së Botës.

Umtiti ka një klauzolë prej vetëm 60 milionë eurosh në kontratën e tij me Barcelonën dhe kjo ka bërë që të ketë shumë thashetheme rreth të ardhmes.

Media të ndryshme kanë raportuar muajve të fundit për një largim të tij pasi palët nuk po gjenin marrëveshjen dhe skuadra të mëdha evropiane u vënë pas tij.

Lexo po ashtu Samuel Umtiti nuk pranon t'i trefishohet klauzola e largimit pa iu rrit edhe paga vjetore

Megjithatë, Umtiti ka konfirmuar se dëshiron të rinovojë kontratën e tij me Barcelonën, teksa deklaroi gjithashtu se bashkëkombësi i tij Antoine Griezmann është një ‘lojtar fantastik’ i cili do të ishte një nënshkrim i madh për Barçën.

“Nga ana ime, unë dua të rinovoj kontratën”, ka thënë fillimisht Umtiti për El Mundo Deportivo.

“Është e rëndësishme për ta zgjidhur këtë çështje para Kupës së Botës edhe pse nëse kjo nuk është e mundur, nuk do të më mërziste”.

Lexo po ashtu Gazeta e njohur spanjolle: Barça-Griezmann, e kryer

“Për momentin, nuk ka lajme apo zhvillime të mëtejshme.

“Griezmann? Ai është një lojtar fantastik i cili do të jetë një nënshkrim i madh për ne “, përfundoi mbrojtësi francez. /Telegrafi/