UEFA zbulon ndarjen dhe çmimet e biletave për finalen e Ligës së Kampionëve, tifozët nuk janë të lumtur

Shtëpia evropiane e futbollit, UEFA është goditur nga tifozët pas konfirmimit të çmimeve të biletave dhe ndarjes së tyre për finalen e Ligës së Kampionëve në Paris.

Anglezët e Liverpoolit dhe Manchester Cityt gjenden në gjysmëfinale, së bashku me klubet spanjolle, Villarrealin dhe Real Madridin.

Finalja do të zhvillohet në Stade de France më 28 maj, pasi u zhvendos nga Gazprom Arena në Shën Petersburg pas pushtimit rus të Ukrainës.

Tani është konfirmuar se gjithsej 52 mijë bileta do të vihen në dispozicion të tifozëve për t’i blerë nga kapaciteti i prej 75 mijë vendesh i Stade de France.

23 mijë biletat e mbetura do t’u jepen federatave kombëtare, partnerëve tregtarë, transmetuesve dhe programit zyrtar të mikpritjes së UEFA-s.

Nga 52 mijë biletat e parapara për tifozët, 40 mijë do të ndahen në mënyrë të barabartë midis dy klubeve në finale.

12 biletat e mbetura do t’u ofrohen tifozëve neutral në mbarë botën.

UEFA ka konfirmuar se nga 20 mijë bileta për çdo klub, 10 mijë bileta do të jepen falas ‘për të shpërblyer shpirtin e lojës për mbështetjen e tyre besnike gjatë pandemisë’.

Lexo po ashtu Gjysmëfinalistët e Ligës së Kampionëve - shanset për fituesin, Liverpool dhe Man City favoritë

Kategoritë e çmimeve për biletat për publikun e gjerë janë si më poshtë:

Kategoria 4: 70 euro

Kategoria 3: 180 euro

Kategoria 2: 490 euro

Kategoria 1: 690 euro

Biletat me qasje për tifozët me aftësi të kufizuara janë në dispozicion për 70 euro.

Biletat shiten përmes një sistemi online në faqen zyrtare të UEFA-s nga ora 13:00 të mërkurën deri në orën 13:00 të enjten, më 28 prill.

🎟️ Tickets for the #UCL and #UEL finals are on sale now!#UCLfinal clubs will receive 20,000 each, with 12,000 more available online now.#UELfinal clubs will receive 10,000 each, with 13,000 more available online now.

Full details and how to buy: ↙️ ↘️

— UEFA (@UEFA) April 20, 2022

UEFA është përballur me kritika nga tifozët si për çmimin e biletave ashtu edhe për ndarjen për dy klubet e përfshira.

Ndryshe, City pret Real Madridin në ndeshjen e parë të gjysmëfinale të martën, ndërsa Villarreali udhëton për t’u përballur me Liverpool në Anfield të mërkurën, në javën e ardhshme. /Telegrafi/

UEFA has announced its allocation for the 2022 Champions League final, with a total of 20,000 tickets available for each side competing in the showpiece fixture.

— Anfield Watch (@AnfieldWatch) April 20, 2022

People moan about this every year… And every year the stadium is full of fans from both teams anyway

— emmet curran (@emmetc_92) April 20, 2022

This is disgusting. And you wonder why a superleague was trying to be formed. Giving more tickets to sponsors and uefa oligarchs is an abomination. This competition should be about the fans of the 2 teams in the final. 50% to them teams is not good enough.

— Mathew Smith (@MathewS32307127) April 20, 2022