U raportua se Real Madridi ka marrëveshje me Davies – reagon drejtori i Bayern Munichut

Drejtori Sportiv i Bayern Munichut, Max Eberl, ka thënë se negociatat për kontratën e re të Alphonso Davies vazhdojnë, pas raportimeve se agjenti i tij do të zhvillonte bisedime të reja me klubet e tjera.

Agjenti Nedal Huoseh ishte në Mynih gjatë javës së kaluar për negociata, dhe pavarësisht raporteve për përparim, u largua nga aty sot pa një marrëveshje.

Ai ka hapur derën për kërkuesit e tjerë si, Liverpool, Manchester United, Manchester City dhe kryesisht Real Madridi që shihet si favorit.

Megjithatë, Eberl mbetet pozitiv në perspektivën e një kontrate të re.

“Durimi nuk është një nga cilësitë e mia. Bisedimet janë të mira dhe të hapura, diskutimet janë pjesë e kësaj. Është legjitime”, deklaroi ai.

“Ne do të vazhdojmë të përpiqemi të marrim vendimin më të mirë. Bisedimet janë ende në vazhdim”.

Lexo po ashtu Formacioni me yjet që u skadon kontrata në verë: Një ekip ëndrrash që mund ta shkundë tregun e transferimeve

Raportet në Spanjë thonë se Los Blancos janë shumë më pozitivë në lidhje me perspektivat e tyre për të nënshkruar me Davies, pasi bisedimet nuk arritën të realizohen këtë javë.

Mbrojtësi i majtë 24-vjeçar ra dakord për kushtet me Real Madridin në fillim të vitit të kaluar, por me rritjen e ndjeshme të ofertës së Bayernit, qëndrimi i tyre ka qenë shumë më pesimist.

Besohet se ka një diferencë prej 1-2 milionë euro mes Bayernit dhe kampit të Davies, por edhe oferta e tyre është cilësuar si përfundimtare. /Telegrafi/