Turqisë dhe Italia bashkojnë forcat për dronët

Baykar i Turqisë dhe Leonardo i Italisë kanë njoftuar krijimin e një sipërmarrjeje të përbashkët për prodhimin e mjeteve ajrore pa pilot (UAV).

Sipas Leonardo dhe Baykar, tregu evropian i UAV-ve pritet të arrijë në 100 miliardë dollarë gjatë dekadës së ardhshme.

Selia e sipërmarrjes së përbashkët do të jetë në Itali, ndërsa objektet e prodhimit do të vendosen si në Itali ashtu edhe në Turqi, për të maksimizuar efikasitetin dhe qëndrueshmërinë e zinxhirit të furnizimit.

Marrëveshja forcon praninë e Turqisë dhe Italisë në industrinë globale të mbrojtjes, duke shfrytëzuar teknologjitë e avancuara të UAV-ve të Baykar – përfshirë platformat Bayraktar TB2 dhe AKINCI – së bashku me ekspertizën e Leonardos në avionikë, teknologji të drejtuara nga AI dhe sistemet C4ISR.

CEO i Leonardos, Roberto Cingolani deklaroi se “Evropa ka një hendek në teknologjitë pa pilot për arsye të ndryshme, dhe në një kohë të ndërlikuar si kjo që po jetojmë, është thelbësore të garantojmë sigurinë globale”.

Ndryshe, kompania turke është një ndër kryesoret që furnizon me dronë shumë shtete anembanë botës. /Telegrafi/