Turpërohet Tottenhami i Mourinhos: Shënuan tre gola për 16 minuta – pranuan tre sosh në mënyrë skandaloze ndaj West Hamit

Tottenham Hotspuri ka përjetuar ndoshta barazimin më turpërues në histori të ekzistimit të tyre si klub.

Spurs për vetëm 16 minuta në pjesën e parë, arritën të shënonin plotë tre gola, duke i bërë lojtarët e West Hamit të ndihen si të humbur në fushë.

Qysh në minutën e parë, Heung-Min Son shënoi golin e epërsisë me një asist të Harry Kanes.

That header 🔥#THFC ⚪️ #COYS pic.twitter.com/landgyXleV

— Tottenham Hotspur (@SpursOfficial) October 18, 2020

Pas vetëm shtatë minutash, dyshja ndërruar pozicionet, për të realizuar golin e dytë të vendasve.

Kur kaluan edhe tetë minuta të tjerë, Kane shënoi edhe golin e tij të dytë personal në këtë takim, me një asistim nga Sergio Reguilon.

HALF-TIME: A pulsating opening 45 minutes at Tottenham Hotspur Stadium 💥

⚪ #THFC 3-0 #WHUFC ⚒️ pic.twitter.com/fSPhVVnDlH

— Tottenham Hotspur (@SpursOfficial) October 18, 2020

Pjesa e parë përfundoi 3-0 për Tottenhamin.

Në 45 minutat e dytë, West Hami u paraqit me një fytyrë tjetër dhe duket se David Moyes u kishte thënë diçka tejet frymëzuese lojtarëve të tij.

OH MY GOD!!!!!!!!!!!! pic.twitter.com/wpg1IvjmTp

— West Ham United (@WestHam) October 18, 2020

Ishte minuta e 82-të kur Fabian Balbuena ngushtoi epërsinë e Spurs për 3-1, ndërsa tre minuta më vonë Davinson Sanchez shënoi auto-gol.

Për të përmbyllur këtë rikthim të çmendur të ‘Çekanëve’ u përkujdes Manuel Lanzini që shënoi në minutën e 90+4 për 3-3.

Jose Mourinho me gjasë do të jetë duke shpërthyer ndaj lojtarëve të tij, gjersa në anën tjetër, Moyes mund të jetë krenar për strategjinë që përdori. /Telegrafi/

3-0 down. Incredible last-minute equaliser. What a moment 😍

NEVER GIVE UP!!#TOTWHU

— West Ham United (@WestHam) October 18, 2020