Sekretarja e Jashtme britanike Liz Truss do t'u thotë kolegëve të saj të NATO-s në Bruksel se "koha e bashkëpunimit me Rusinë ka mbaruar".
Në një darkë pune të ministrave të jashtëm të NATO-s, ministrja do të thotë se "nuk është koha për ngushëllime të rreme", sepse, megjithëse Rusia po tërheq forcat e saja nga afërsia e Kievit, Rusia nuk po largohet nga Ukraina.
Në vend të kësaj, Moska po "rigrupohet dhe po përgatitet për një sulm të ri, më të ashpër" në Ukrainën lindore dhe jugore.
Ajo do të thotë gjithashtu se “është koha që NATO të forcojë reagimin e saj dhe të ndërmarrë veprime strategjike”.
“Ne kemi nevojë për një qasje të re ndaj sigurisë në Evropë, bazuar në qëndrueshmërinë, mbrojtjen dhe parandalimin”, do të thotë Truss. /Telegrafi/
