Trump tallet me tërheqjen e Haleyt: Shpresoj se do të qëndrojë deri në fund të garës

Donald Trump nuk ka humbur kohë pas njoftimit të Nikki Haleyt se ajo do të tërhiqet nga gara republikane për president të SHBA-së.

Duke shkruar në platformën personale të “Truth Social”, ai tha se “Nikki Haley u trondit mbrëmë, në mënyrë rekorde, pavarësisht faktit se demokratët, për arsye të panjohura, lejohen të votojnë në Vermont dhe në zgjedhje të ndryshme paraprake të tjera republikane”.

Vlen të theksohet se Vermont nuk ka regjistrim partiak dhe të gjithë votuesit mund të zgjedhin se në cilat zgjedhje paraprake do të votojnë, shkruan skynews.

Lexo po ashtu Pse u largua nga gara Haley dhe çfarë do të thotë kjo për zgjedhjet presidenciale amerikane?

Ai pretendoi se paratë që ajo kishte mbledhur për fushatë kanë ardhur nga demokratët, “siç bënë shumë nga votuesit e saj”.

“Në këtë pikë, shpresoj që ajo të qëndrojë në “garë” dhe të luftojë deri në fund”, tha 77-vjeçari.

Kujtojmë se Haley ka deklaruar se nuk do ta mbështes Trumpin në garën për president kundër kandidatit të mundshëm demokrat, Joe Biden.

Ndryshe, zgjedhjet presidenciale amerikane do të mbahen më 5 nëntor (e marte) të këtij viti. /Telegrafi/