Trump premton spektakël për 4 korrikun, nxjerr tanket, bombarduesit dhe mjetet tjera ushtarake në Washington (Foto/Video)

Festa kombëtare e SHBA-ve, Dita e Pavarësisë, do të shënohet sot me paradë ushtarake, koncerte dhe gara të ndryshme sportive dhe për fund do të ketë spektakël fishekzjarrësh.

Megjithatë festa e 4 korrikut nuk do të kalojë pa spektakël, pasi që presidenti amerikan Donald Trump do t’i nxjerr në Washington, tanket, aeroplanët e ndryshëm luftarak si dhe makineritë tjera të blinduara, transmeton Telegrafi.

Ndërkaq besohet se fishekzjarret do të ndizen në qendrën tregtare Masys në East River në New York, që cilësohet si spektakli më i madh i fishekzjarreve në SHBA.

E pas fishekzjarreve, orkestra e Bostonit do të mbajë koncert në bregun e lumit Charles. Në këtë koncert pritet të marrin pjesë mijëra qytetarë, kurse është paralajmëruar pjesëmarrja e reperes së famshme Queen Latifah.

Festa më e gjatë e ditës së pavarësisë ka ndodhur në Bristol Road Island, Aty festa kishte filluar më 14 qershor kur edhe shënuar dita e flamurit e ka përfunduar me paradën e 4 korrikut, në të cilën zakonisht marrin pjesë mbi 100 mijë persona. Festa e përvitshme në këtë qytet kanë filluar në vitin 1785.

Me rastin e shënimit të 4 korrik në mbarë SHBA-të në ceremoni të veçantë një numër i emigrantëve do të fitojnë nënshtetësinë amerikane. Por më e veçanta që konsiderohet është ajo në Washington, ku qytetarët do të kenë rastin ta shohin tanket, aeroplanët e ndryshëm luftarak si dhe pajisjet e tjera të blinduara. Parada siç raportojnë mediat amerikane do t’i kushtojnë shtetit rreth 2.5 milionë dollarë.

Megjithatë, presidenti Trump ka shkruar në Twitter se do të jetë “shfaqja e jetës”.

“Shpenzimet për Amerikën tonë do të jetë shumë e vogël krahasuar me atë se sa shumë vlen”, ka shkruar Trump.

Pentagoni planifikon të organizoj fluturimin e bombarduesve B-2 Stealth dhe aeroplanë tjerë ushtarak. Në paradë do të marrin pjesë edhe aeroplanët F-35 dhe F-18, ekipi i akrobatëve “Blue Angels”, helikopterët ushtarakë dhe rojet bregdetare dhe Marin V-22 Ospreis. Dy makina ushtarake “Bradley” janë parë në afërsi të qendrës Lincoln, ku Trump do të mbaj fjalim për ditën e pavarësisë.

Në anën tjetër, ushtria amerikane ka porositur qytetarët në Washington që të mos krijojnë panik nëse shohin tanke nëpër rrugë, pasi kjo po bëhet për nder të ditës së pavarësisë.  Një numër i vogël i tankeve “Abrams” që peshojnë nga 60 ton janë dërguar rrugëve hekurudhore në Washington. /Telegrafi/