Presidenti amerikan Donald Trump ka lëshuar breshërinë e tij të parë kundër Evropës në fjalimin e tij në Davos, duke thënë se kontinenti "nuk po shkon në drejtimin e duhur".
Pasi renditi arritjet e supozuara të qeverisë së tij, presidenti amerikan i tha audiencës: "Vendet nga vini mund të bëjnë shumë më mirë duke ndjekur atë që po bëjmë ne, sepse vende të caktuara në Evropë nuk janë më të njohura", shtoi ai.
"Unë e dua Evropën dhe dua ta shoh Evropën të bëjë mirë, por nuk po shkon në drejtimin e duhur", theksoi ndër tjera presidenti amerikan, transmeton Telegrafi.
Ai gjithashtu pretendoi se "u bë mençuri konvencionale në Uashington dhe kryeqytetet evropiane" se ekonomia mund të rritet vetëm përmes "shpenzimeve qeveritare gjithnjë në rritje, migrimit masiv të pakontrolluar dhe importeve të pafundme të huaja".
"Rezultati ishte deficit rekord buxhetor dhe tregtar dhe një deficit sovran në rritje, i nxitur nga vala më e madhe e migrimit masiv në historinë e njerëzimit", përfundoi Trump në fjalimin e tij hyrës. /Telegrafi/
