Donald Trump u detyrua të hipte në Air Force One të dielën nëpërmjet shkallëve të vogla për shkak të masave të shtuara të sigurisë, pasi një “vend i dyshimtë gjuetie” u zbulua aty pranë.
Presidenti u largua nga Aeroporti Ndërkombëtar i Palm Beach të dielën për t'u kthyer në Uashington DC, pasi struktura e dyshimtë u zbulua të premten, shkruajnë mediat e huaja, përcjell Telegrafi.
Një zyrtar i Shtëpisë së Bardhë tha se zbulimi çoi në zbatimin e masave të shtuara të sigurisë të dielën, ndërsa Trump u kthye në aeroport.
Drejtori i FBI-së, Kash Patel, theksoi se 'vend i ngritur gjuetie' ishte 'brenda vijës së shikimit të zonës së uljes së Air Force One'.
“FBI-ja që atëherë ka marrë drejtimin e hetimit, duke dërguar burime për të mbledhur të gjitha provat nga vendi i ngjarjes...”.
Megjithatë, deri më tani, struktura e dyshimtë nuk është lidhur me asnjë individ.
Ajo u gjet i vendosur në një pemë pranë vendit ku Trump zakonisht del nga aeroplani presidencial. Nuk u gjet asnjë municion aty pranë, dhe gjetja u përshkrua si një koleksion i çuditshëm gjërash.
Trump është i njohur për organizimin e konferencave të improvizuara për shtyp para se të hipte në aeroplan në të kaluarën, duke biseduar lirshëm me gazetarët dhe duke u përgjigjur pyetjeve në lidhje me lajmet e ditës.
Por të dielën ai hipi në aeroplan 'shpejt' dhe në një shkallë më të vogël për shkak të rreziqeve të shtuara. /Telegrafi/
