Trifunov: Mos e mbroni këngëtarin zjarrvënës, me urrejtje ndaj nesh ju digjni veten tuaj

Lideri i partisë politike bullgare “Ka një popull të tillë”, Sllavi Trifunov, ka shkruar një status në Facebook pas arrestimit të këngëtarit Lambe Alabakovski, i cili dyshohet se i vuri zjarrin derës hyrëse të qendrës kulturore bullgare “Vanço Mihajlov” në Manastir.

“U bë e qartë se kush ishte zjarrvënësi që i vuri zjarrin qendrës kulturore bullgare “Ivan Mihailov” në Manastir. Bëhet fjalë për këngëtarin 34-vjeçar të quajtur Lambe Alabakovski. Ai ka pranuar krimin. Në të njëjtën kohë, përdoruesit e rrjeteve sociale në Maqedoninë e Veriut filluan të postojnë fotografi me mesazhe: “Edhe unë jam Lambe Alabakovski! “Bee ѕuіѕ Lambe Alabakovski”! “Të gjithë jemi Lambe, ndaloni fashizmin”. Tani, nga e gjithë kjo histori e ndyrë, maqedonasit e veriut, nëse janë të zgjuar, mund të nxjerrin një mësim serioz. Unë do t’ju tregoj se çfarë është ajo. Në orët e hershme të mëngjesit të datës 4 qershor, Lambe ka dalë para Qendrës Kulturore Bullgare “Ivan Mihailov” dhe ka shkaktuar zjarr. Zjarri shpërtheu aq shpejt saqë sipas raportimeve të mediave në Maqedoninë e Veriut, ai kishte djegie në duart e tij. Cili është mësimi, fqinjët e mi të dashur nga Maqedonia e Veriut? Mësimi është se me urrejtje ndaj nesh ju e digjni veten”, ka shkruar Trifunov në Facebook.

Ministri i Punëve të Brendshme Oliver Spasovski ka bërë të ditur se është kapur autori që ka djegur derën hyrëse të Shtëpisë së Kulturës “Ivan Mihailov” në Manastir.

Ndaj këngëtarit Alabakovski dje u shqiptua masa e paraburgimit prej tetë ditësh.