Tri sekretet e figurës së hollë të Emily Ratajkowskit

Emily Ratajkowski është një nga modelet më atraktive dhe më të kërkuara, mirëpo asnjëherë nuk i numëron kaloritë e as nuk mban dietë për të qëndruar e hollë.

Në vijim janë tri mënyra si qëndron në formë duke iu përmbajtur rutinave që i pëlqen çdo ditë:

Pi lëng shafrani dhe panxhari

Shafrani i Indisë, ashtu si lëngu i panxharit, përmban nitrate që janë jo vetëm të dobishme për shëndetin e zemrës, por gjithashtu ndihmojnë në zgjerimin e enëve të gjakut për ta përmirësuar qarkullimin e gjakut. Jo vetëm që konsumimi i tyre është i shkëlqyeshëm për qarkullimin e gjakut, por mund të ndihmojë edhe në qëndrueshmëri, gjë që vjen në ndihmë gjatë ushtrimeve.

Kënaqet duke përgatitur ushqime të shëndetshme

Emilyt i pëlqen të përgatitë ushqime të shëndetshme, ndërsa në një prononcim për Elle është shprehur: “Unë gatuaj shumë, kështu që me të vërtetë ndihmon: ju e dini se sa kripë dhe sa sheqer dhe të gjitha ato gjëra që po i futni në trupin tuaj”.

I pëlqen të bëjë fitnes në grup

Manekines i pëlqejnë aktivitetet në natyrë, si ecja dhe alpinizmi, por kur shkon në palestër, preferon ushtrimet në grup.

“Jam nga ata njerëz që nëse shkoj vet në palestër, ka shanse 50/50 që të ushtroj në të vërtetë dhe të përpiqem njëmend, kështu që një ambient grupor funksionon shumë, shumë mirë për mua”, ka thënë 32-vjeçarja. /Telegrafi/